தமிழக அரசியலில் தற்போது எவரும் எதிர்பாராத ஒரு உச்சக்கட்ட பரபரப்பும் அனல் பறக்கும் சூழலும் உருவாகியுள்ளது. ஒருபுறம் டெல்டா விவசாயிகளை முழுமையாக வஞ்சித்துவிட்டதாகக் கூறி தவெக அரசுக்கு எதிராக திமுக தலைவர் மு.க.ஸ்டாலின் கடும் கண்டனங்களைப் பதிவு செய்துள்ளார். பயிர்க்கடன் தள்ளுபடி விவகாரத்தில் ஏமாற்றம், மேகதாது அணை விவகாரத்தில் மெத்தனப் போக்கு, மேட்டூர் அணை திறக்கப்படாததால் பாதிக்கப்பட்ட குறுவை சாகுபடி மற்றும் அனைத்துக் கட்சிக் கூட்டத்தைக் கூட்டாமல் காலம் தாழ்த்தும் போக்கு போன்ற பல்வேறு குற்றச்சாட்டுகளை முன்வைத்து ஆளுங்கட்சியின் மீது அவர் பாய்ந்துள்ளார். இதன் உச்சக்கட்டமாக, விவசாயிகளின் உரிமைகளை மீட்டெடுக்கவும் சிறப்பு நிவாரணத் தொகுப்பை வலியுறுத்தவும் சட்டமன்ற எதிர்க்கட்சித் தலைவர் உதயநிதி ஸ்டாலின் தலைமையில் வரும் ஆகஸ்ட் 3-ஆம் தேதி தஞ்சையில் மாபெரும் கண்டன ஆர்ப்பாட்டம் நடைபெறும் என்று அதிகாரப்பூர்வமாக அறிவிக்கப்பட்டுள்ளது.
இதற்ககிடையே, இதே ஆகஸ்ட் 3-ஆம் தேதி தமிழக முதல்வர் விஜய் கர்நாடகாவிற்குப் பயணம் மேற்கொண்டு, அங்குள்ள முதலமைச்சர் டி.கே.சிவகுமாரை நேரில் சந்தித்து இருதரப்புப் பேச்சுவார்த்தைகளில் ஈடுபடத் திட்டமிட்டுள்ளார். காவிரி நீர் பங்கீடு மற்றும் மேகதாது அணை விவகாரம் போன்ற தீர்க்கப்படாத நீராதாரச் சிக்கல்கள் தமிழகத்தில் விஸ்வரூபமெடுத்து நிற்கும் இந்தச் சூழலில், தமிழக முதல்வரின் கர்நாடகப் பயணம் மற்றும் எதிர்க்கட்சியின் மாபெரும் கண்டன ஆர்ப்பாட்டம் ஆகியவை ஒரே நாளில் நிகழ்வது அரசியல் களத்தில் மிகப்பெரிய விவாதப் பொருளாக மாறியுள்ளது. மேகதாது விவகாரத்தில் தவெக அரசு மௌனம் காப்பதாகவும், கர்நாடகப் பயணத்தின் மூலம் தமிழகத்தின் உரிமைகள் தாரைவார்க்கப்படலாம் என்றும் எதிர்க்கட்சிகள் முழங்கி வரும் நிலையில் இந்தத் தேதிகள் தற்செயலாக அமைந்திருப்பது ஒட்டுமொத்த தமிழகத்தின் கவனத்தையும் ஈர்த்துள்ளது.
இந்த அரசியல் மோதலில் ஊடகங்களும் சமூக வலைதளங்களும் எதற்கு அதிக முக்கியத்துவம் கொடுக்கும் என்ற கேள்வி இப்போது பலத்த எதிர்பார்ப்பைக் கிளப்பியுள்ளது. டெல்டா விவசாயிகளின் வாழ்வாதாரப் போராட்டம், திங்கட்கிழமை தஞ்சையில் வெடிக்கப் போகும் எதிர்க்கட்சியின் பிரம்மாண்ட ஆர்ப்பாட்டம் மற்றும் விவசாயிகளின் நேரடி ஆத்திரம் ஆகியவற்றுக்கு ஒருபுறம் முதன்மைச் செய்திகள் ஒதுக்கப்படும். அதேவேளையில், மாநிலத்தில் ஆட்சியில் இருக்கும் ஒரு முதலமைச்சர் காவிரி விவகாரத்தில் அண்டை மாநிலத் தலைவரைச் நேரில் சந்தித்துப் பேசும் உச்சக்கட்ட அரசியல் நகர்வும், அதன் பின்னணியில் உள்ள இராஜதந்திர விவாதங்களும் மறுபுறம் ஊடகங்களின் பிரதான நேரத்தை ஆக்கிரமிக்கும் என்பதில் எந்தச் சந்தேகமும் இருக்க முடியாது.
பொதுமக்கள் மற்றும் இணையதள பயனாளர்களின் மத்தியில் எந்தச் செய்தி டிரெண்டிங்கில் முதலிடம் வகிக்கும் என்று பார்த்தால், நிச்சயமாக முதல்வர் விஜயின் கர்நாடகப் பயணமும், அதற்கு எதிராகத் தவெக அரசு மீது திமுக வீசும் கடுமையான குற்றச்சாட்டுகளும்தான் பட்டிதொட்டியெங்கும் ஹாட் டாப்பிக்காக வலம் வரும். தேர்தலுக்குப் பின் ஆட்சியில் அமர்ந்துள்ள தவெக அரசு எதிர்கொள்ளும் முதல் நேரடி மக்கள் போராட்டமும், அதை எதிர்கொள்ள முதல்வர் மேற்கொள்ளும் வெளிமாநிலப் பயணமும் ஒரே நேர்க்கோட்டில் சந்திப்பது சமூக வலைதளங்களில் எக்கச்சக்கமான மீம்ஸ்களையும் விவாதங்களையும் இப்போதே கிளப்பி விட்டுள்ளது.
விவசாயிகளின் கண்ணீரும், எதிர்க்கட்சியின் கண்டனக் குரல்களும் ஒருபுறம் டெல்டா மண்ணில் அனலைக் கிளப்பினாலும், டெல்லி மற்றும் பெங்களூரு அரசியல் வட்டாரங்களை உலுக்கும் முதல்வர் விஜயின் இந்த அதிரடி விசிட் தேசிய அளவில் ஊடகங்களின் கேமராக்களைத் தன் பக்கம் திருப்பியுள்ளது. காவிரி நீருக்காகத் தமிழகத்தில் களப்போராட்டம் வெடிக்கும் அதே நாளில், கர்நாடகத் தலைவர்களுடன் நடக்கும் சமரசப் பேச்சுவார்த்தைகள் எந்த மாதிரியான திருப்பங்களைத் தரும் என்ற எதிர்பார்ப்பு ஒட்டுமொத்த அரசியல் பார்வையாளர்களையும் உன்னிப்பாகக் கவனிக்க வைத்துள்ளது.
ஆகஸ்ட் 3-ஆம் தேதி அரங்கேறப் போகும் இந்த இரட்டை நிகழ்வுகள் தமிழக அரசியலின் அடுத்தகட்ட திசையைத் தீர்மானிக்கும் மிக முக்கிய மைல்கல்லாக மாறப்போவது உறுதி. டெல்டா மக்களின் கோபமும், எதிர்க்கட்சியின் தெருக்களிலs நடத்தப்படும் போராட்டமும் அரசாங்கத்தின் சிம்மாசனத்தை எப்படி ஆட்டப் போகிறது என்பதும், இதற்கு முதலமைச்சர் தரப்பு என்ன மாதிரியான மாற்று விளக்கத்தை அளிக்கப் போகிறது என்பதும் அன்றைய நாளின் மிகப்பெரிய பிரேக்கிங் நியூஸாக மாறி தமிழக அரசியலை முற்றிலுமாக அதிரவைக்கக் காத்துக் கிடக்கிறது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
