தளபதி விஜய் நடித்த கோட் திரைப்படம் கடந்த செப்டம்பர் 5ஆம் தேதி வெளியாகி, மிகப்பெரிய வரவேற்பு ரசிகர் மத்தியில் பெற்ற நிலையில், இந்த படத்தின் வசூல் தகவலைப் பற்றி படத்தின் தயாரிப்பாளர் அர்ச்சனா கல்பாத்தி தெரிவித்து வந்தார் என்பதை ஏற்கனவே பார்த்தோம்.
இந்த நிலையில், நாளை ரஜினிகாந்த் நடித்த வேட்டையன் திரைப்படம் உலகம் முழுவதும் வெளியாக இருப்பதை அடுத்து, ஒரு சில திரையரங்குகளில் ஓடிக்கொண்டிருந்த கோட் திரைப்படம் இன்றுடன் தூக்கப்படுகிறது என்று தகவல் வெளியாகியுள்ளது.
இந்த நிலையில், அர்ச்சனா கல்பாத்தி தனது சமூக வலைதளத்தில், உலகம் முழுவதும் கோட் திரைப்படம் 455 கோடி ரூபாய் வசூல் செய்துள்ளதாக அதிகாரப்பூர்வமாக அறிவித்து, இது குறித்த போஸ்டரையும் வெளியிட்டுள்ளார். அந்த போஸ்டர் தற்போது இணையத்தில் வைரல் ஆகி வருகிறது. இன்றுடன் அனைத்து திரையரங்குகளிலும் இருந்து கோட் திரையிடுவது நிறுத்தப்படுவதால், அதன் திரையரங்கு இறுதி வசூல் 455 கோடி என்பது உறுதியாகியிருக்கிறது.
இதுபோக, சேட்டிலைட் உரிமை, டிஜிட்டல் உரிமை மற்றும் ஆடியோ உரிமை ஆகியவற்றையும் சேர்த்து, சுமார் 700 கோடி ரூபாய் இந்த படம் வசூல் செய்துள்ளது என்று தெரிகிறது. இந்த படத்தின் வசூலை ரஜினியின் வேட்டையன் முறியடிக்குமா என்பதை பொறுத்திருந்து பார்ப்போம்.
