ஆபரேஷன் மேகாலயா 2.0.. தவெக ஆட்சியை கவிழ்க்க 25 எம்.எல்.ஏக்களிடம் பேரமா? ஒரு எம்.எல்.ஏவுக்கு 50 கோடி. மொத்த புரொஜக்ட் மதிப்பு ரூ.1000 கோடி.. டிசம்பருக்குள் ஆட்சியை கவிழ்க்க திட்டம்? 2 பாதிரியார்களும் ஆட்சி கவிழ்ப்புக்கு உடந்தை.. இரு கழகங்களும் சேர்ந்து செய்யும் சதித்திட்டம்.. ஜூனியர் விகடன் கட்டுரையால் தமிழக அரசியலில் பரபரப்பு… காசு கொடுத்து விஜய் ஆட்சியை வேண்டுமானால் கவிழ்க்கலாம்.. ஆனால் விஜய்யை ஒருபோதும் மக்கள் மனதில் இருந்து அகற்ற முடியாது.. ஆட்சியை கவிழ்த்தால் அனுதாப ஓட்டுக்கள் அள்ளிக்கொண்டு வரும்.. 234லும் தவெக ஜெயிக்கும்.. விசில் தொண்டர்கள் கருத்து..
தமிழகத்தில் முதலமைச்சர் விஜய் தலைமையிலான தமிழக வெற்றி கழக அரசு தனது சீரிய நிர்வாகத்தின் மூலம் மக்களின் நன்மதிப்பைப் பெற்று வெற்றிகரமாக ஆட்சி நடத்தி வரும் நிலையில், எதிர்க்கட்சிகளின் தூண்டுதலின் பேரில் தவெக ஆட்சியை எப்படியாவது கவிழ்த்துவிட வேண்டும் என்ற சதித்திட்டம் தற்போது அரங்கேறி வருவதாகத் தகவல்கள் வெளியாகியுள்ளன. பிரபல வார இதழான ‘ஜூனியர் விகடன்’ வெளியிட்டுள்ள அதிரடியான புலனாய்வுக் கட்டுரை ஒன்று தமிழக அரசியலில் பெரும் பூகம்பத்தைக் கிளப்பியுள்ளது. தவெக ஆட்சியை வீழ்த்துவதற்காக எதிர்க்கட்சிகளால் திட்டமிடப்பட்டுள்ள இந்தச் சதிவலைக்கு ‘ஆபரேஷன் மேகாலயா 2.0’ என்று பெயரிடப்பட்டுள்ளதாக அந்த கட்டுரை பகிரங்கமாகத் தெரிவித்துள்ளன.
இந்தக் குதிரைபேரச் சதியின் பிரதான அங்கமாக, தவெக கட்சியைச் சேர்ந்த சுமார் 25 சட்டமன்ற உறுப்பினர்களை விலைபேசும் நூதனத் திட்டம் தீட்டப்பட்டுள்ளது. ஆட்சி கவிழ்ப்புத் திட்டத்தில் ஒவ்வொரு தவெக எம்.எல்.ஏ-விற்கும் தலா 50 கோடி ரூபாய் வரை பேரம்பேசப்படுவதாகவும், இந்த ஒட்டுமொத்த கிரிமினல் அரசியல் புரொஜக்ட்டின் மொத்த மதிப்பு சுமார் 1000 கோடி ரூபாயை எட்டும் எனவும் அதிர்ச்சிகரமான தகவல்கள் வெளியாகித் தமிழக மக்களிடையே கொந்தளிப்பை ஏற்படுத்தியுள்ளன. கோடிக்கணக்கான ரூபாயைப் பந்தயத்தில் கட்டி, மக்கள் ஜனநாயக முறைப்படி தேர்ந்தெடுத்த முதலமைச்சர் விஜய்யின் ஆட்சியை வரும் டிசம்பர் மாதத்திற்குள் எப்படியாவது கவிழ்த்துவிட வேண்டும் என்று எதிர்க்கட்சிகள் பகற்கனவு கண்டு வருகின்றன.
இந்த ஆட்சி கவிழ்ப்பு நாடகத்தின் பின்னணியில் அரசியல் கட்சிகள் மட்டுமல்லாமல், திரைக்குப் பின்னால் சில பாதிரியார்கள் உடந்தையாகச் செயல்பட்டு வருவதாக அந்தக் கட்டுரை அம்பலப்படுத்தியுள்ளது. தமிழகத்தில் மத நல்லிணக்கத்தைக் குலைக்கவும், தவெக அரசின் மீது அவதூா்களைப் பரப்பவும் சில சக்திகள் திட்டமிட்டுப் பங்காற்றி வருகின்றன. தங்களை எதிர்த்து அரசியல் செய்யத் திராணியில்லாமல், எப்பொழுதும் போலப் பின்வாசல் வழியாக ஆட்சி பீடத்தைக் கைப்பற்ற வேண்டும் என்ற பழைய வன்மத்துடன், இரு திராவிடக் கட்சிகளும் இணைந்து இந்தத் துரோகச் செயலில் கை கோர்த்துள்ளன என்பது தற்போது வெட்டவெளிச்சமாகியுள்ளது.
ஆட்சியைப் பிடிக்க வேண்டும் என்ற வெறியில், பணப்பலத்தைக் கொண்டு எத்தகைய சதிவேலையையும் செய்யத் துடிக்கும் இந்த முடக்கப்பட்ட சக்திகளுக்குத் தவெக தொண்டர்களும் பொதுமக்களும் உரிய சம்மட்டி அடி கொடுக்கத் தயாராகி வருகின்றனர். காசு கொடுத்து அதிகாரத்தை விலைக்கு வாங்கி, முதலமைச்சர் விஜய்யின் ஆட்சியை வேண்டுமானால் தற்காலிகமாகக் கவிழ்க்க முடியுமே தவிர, கோடிக்கணக்கான மக்களின் மனங்களில் அசைக்க முடியாத இடம்பிடித்துள்ள தலைவர் விஜய்யை யாராலும் ஒருபோதும் அகற்ற முடியாது என்பதே மறுக்க முடியாத வரலாற்று உண்தியாகும். விஜய்யின் அரசியல் எழுச்சியைப் பொறுக்க முடியாத எதிர்க்கட்சிகள் நடத்தும் இந்த மலிவான நாடகங்கள் யாவும் இறுதியில் அவர்களுக்கே சாவுமணியாக அமையும்.
ஒருவேளை தங்களது பணபலத்தால் தவெக ஆட்சியை தற்காலிகமாகச் சதி செய்து கவிழ்த்தாலும், அதுவே தவெகவின் பிரம்மாண்டமான அரசியல் வெற்றிக்கு அச்சாணியாக மாறும் என்று அரசியல் நோக்கர்கள் கருதுகின்றனர். ஆட்சி கவிழ்ப்புச் சதியின் மூலம் முதலமைச்சர் விஜய்க்கு எதிராக இழைக்கப்படும் அநீதியைக் கண்டு கொதித்தெழுந்துள்ள தமிழக மக்கள், அதற்கான ஒட்டுமொத்த அனுதாப ஓட்டுகளையும் தவெகவின் பக்கமே அள்ளி வழங்குவார்கள். அடுத்த கட்டத் தேர்தலில் தமிழ்நாட்டின் உள்ள 234 சட்டமன்றத் தொகுதிகளிலும் தவெக இமாலய வெற்றி பெற்று, மீண்டும் மக்கள் சக்தியே வெல்லும் என்பதை நிரூபித்துக் காட்டும் என்று தவெக தொண்டர்கள் மிகுந்த ஆவேசத்துடனும் அசைக்க முடியாத நம்பிக்கையுடனும் முழக்கமிட்டு வருகின்றனர்.
எதிர்க்கட்சிகளின் இந்த மிரட்டல்களுக்கும், பினாமி பேரங்களுக்கும் ஒருபோதும் அஞ்சப் போவதில்லை என்பதை முதலமைச்சர் விஜய் தலைமையிலான அரசு தனது உறுதியான நடவடிக்கைகளால் தொடர்ந்து நிரூபித்து வருகிறது. பணநாயகத்தை வீழ்த்தி மக்களாட்சியின் மாண்பைக் காப்பாற்றத் தவெக அரசு எத்தகைய தியாகத்திற்கும் தயாராக உள்ளது. மக்கள் சக்தியை மீறி எவராலும் தவெகவின் வளர்ச்சியைத் தடுத்து நிறுத்த முடியாது என்பதைத் தமிழக அரசியலின் இந்தச் சமீபத்திய சம்பவங்கள் மீண்டும் ஒருமுறை உரக்கச் சொல்லியுள்ளன.
