யார் டம்மி முதல்வர்ன்னு இப்ப தெரியுதா? முந்தைய முதல்வர் முக ஸ்டாலினுக்கு தெரியாமல் அதிகாரிகளே சில திடுக்கிடும் முடிவை எடுத்தார்களா? ஸ்டாலின் தான் வீரமணி மீது வழக்குப்பதிவு செய்ய சொல்லியுள்ளார். ஆனால் வழக்கை முடிக்க முடிவு செய்த அதிகாரிகள் அதனை ஸ்டாலினுக்கே தெரியாமல் செய்ய நினைத்தார்களா? அன்றைய முதல்வருக்கே தெரியாமல் முடிவெடுத்த அதிகாரிகள் யார் யார்? பட்டியல் எடுக்க இன்றைய முதல்வர் உத்தரவு.. இப்போ தெரியுதா யார் டம்மி முதல்வர்? யார் வலிமையான முதல்வருன்னு..
தமிழக அரசியலில் மற்றும் சமூக பரப்பில் பெரும் அதிர்லையை ஏற்படுத்திய விவகாரமாக ‘தி ஹவுஸ் ஆஃப் ஹாரர்’ மற்றும் தமிழ்நாட்டின் ‘எப்ஸ்டீன்’ விவகாரம் வெளிச்சத்திற்கு வந்துள்ளது. இந்த விவகாரம் தொடர்பான செய்திகள் மற்றும் புகைப்பட ஆதாரங்கள் சமூக வலைதளங்களிலும் ஊடகங்களிலும் மிகுந்த பரபரப்பை ஏற்படுத்தியுள்ளன. குறிப்பாக, ஜென் கிரானைட் தலைவர் ஆர். வீரமணி மீது சிறுமிகளைத் துஷ்பிரயோகம் செய்ததாகக் கூறப்படும் குற்றச்சாட்டுகள் ஒட்டுமொத்த மாநிலத்தையும் உலுக்கியுள்ளன. இந்த விவகாரத்தில் பல முக்கிய நபர்களின் பெயர்கள் அடிபடுவதுடன், பல திடுக்கிடும் உண்மைகளும் வெளிவந்து கொண்டிருக்கின்றன.
இந்தச் சம்பவத்தின் முக்கிய குற்றவாளியாகக் கருதப்படும் ஆர். வீரமணிக்கு உடந்தையாக இருந்த பலரின் பெயர்கள் வெளியாகியுள்ளன. அதில் மஹேந்திர சிம்மன் என்பவர் வீரமணியின் மிக நெருங்கிய உதவியாளராகச் செயல்பட்டுள்ளார். மேலும், மஹேந்திர சிம்மனின் மனைவியான சாந்தி என்பவர், வீரமணிக்காக சிறுமிகளை ஏற்பாடு செய்து கொடுத்துள்ளதாகவும், இந்தத் பாலியல் வன்கொடுமைகள் அரங்கேறிய வீட்டைப் பாதுகாத்து நிர்வகிக்கும் பொறுப்பில் இருந்ததாகவும் தகவல்கள் கூறுகின்றன. இத்தகைய கொடூரச் செயல்களில் பலரும் கூட்டாகச் செயல்பட்டுள்ளது விசாரணையில் தெரியவந்துள்ளது.
இந்த வழக்கில் மற்றொரு முக்கிய நபராக 23 வயதுடைய கணேசன் என்பவரும் குறிப்பிடப்பட்டுள்ளார். இவர் ஜென் கிரானைட் நிறுவனத்தில் வேலை பார்த்து வந்துள்ளார். சிறுமிகள் தாக்கப்படுவதையும், கொடுமைப்படுத்தப்படுவதையும் காட்டும் தெளிவான வீடியோ ஆதாரங்கள் இவரிடம் இருந்துள்ளதாகவும் தெரியவருகிறது. ஆனால், இவ்வளவு பெரிய குற்றத்தைப் பார்த்தும், அதற்கான வீடியோ ஆதாரம் கையில் இருந்தும் கூட, உடனடியாக அதனைச் சம்மந்தப்பட்ட அதிகாரிகளுக்கோ அல்லது காவல்துறையினருக்கோ புகாரளிக்காமல் இவர் தவறியுள்ளார். இந்தச் செயல் இத்தகைய குற்றங்களுக்கு மறைமுகமாகத் துணைபோகும் வகையில் இருந்ததாக விமர்சிக்கப்படுகிறது.
இந்த விவகாரத்தில் அரசு அதிகாரிகளின் பங்கு குறித்தும் பல அதிர்ச்சிகரமான தகவல்கள் வெளியாகியுள்ளன. முந்தைய திமுக ஆட்சிக் காலத்தில், ஜென் வீரமணி மீதான போக்ஸோ வழக்கில் அதிகாரிகள் ஒன்றிணைந்து அரசுக்குத் தகவல் தராமல் மறைத்து ஏமாற்றியதாகத் தகவல்கள் வெளிவந்துள்ளன. வீரமணி மீது புகார் வந்த உடனேயே அப்போதைய உயர் அதிகாரிகள் முதல்வர் மு.க. ஸ்டாலினுக்கு ‘நோட்’ எழுதியதாகக் கூறப்பட்டாலும், வழக்கை முடிக்க முயன்ற அதிகாரிகள் அதனை அப்போதைய முதலமைச்சரிடம் தெரிவிக்காமல் மறைத்துள்ளதாகக் கடுமையான குற்றச்சாட்டுகள் எழுந்துள்ளன. வீரமணி மீது வழக்கு தொடர மு.க. ஸ்டாலின் அனுமதி அளித்த பின்னரே எப்.ஐ.ஆர் பதிவு செய்யப்பட்டுள்ளது என்றாலும், பல தகவல்கள் திட்டமிட்டு மறைக்கப்பட்டுள்ளதா என்ற கோணத்தில் விவாதிக்கப்படுகிறது.
முந்தைய அரசுக்குத் தெரியாமல் இந்த வழக்கினை முடிக்க முயன்ற மற்றும் உதவி செய்த அதிகாரிகள் யார் யார் என்பது குறித்து தற்போதுள்ள முதலமைச்சர் விஜய் தலைமையிலான அரசு தீவிர விசாரணை நடத்தி வருகிறது. வழக்கினை முடித்து வைக்க முடிவு எடுத்தாலும் அதனை முதலமைச்சருக்குத் தெரியப்படுத்துவது வழக்கமான நடைமுறை என்ற போதிலும், அதனைச் செய்யாமல் அதிகாரிகளே கூட்டுச் சதியில் ஈடுபட்டு முடித்துவைக்க முயன்றார்களா என்ற கோணத்தில் தற்போதுள்ள அரசு கவனம் செலுத்தி வருகிறது. இதற்கிடையில், இந்த விவகாரத்தில் ஆளுங்கட்சி தரப்பிலிருந்து வேண்டுமென்றே மூடிமறைப்பு முயற்சிகள் நடப்பதாக பாஜக மற்றும் அதிமுக போன்ற எதிர்க்கட்சிகள் கடுமையான குற்றச்சாட்டுகளை முன்வைத்துள்ளன.
இந்த ஒட்டுமொத்த நிகழ்வுகளும் தமிழ்நாட்டில் பெண்களின் மற்றும் குழந்தைகளின் பாதுகாப்புக் குறித்த கேள்விகளை எழுப்பியுள்ளதுடன், அரசியல் மற்றும் அதிகார வர்க்கத்தின் செல்வாக்கு எவ்வாறு குற்றவாளிகளைக் காப்பாற்றப் பயன்படுத்தப்படுகிறது என்ற விவாதத்தையும் உருவாக்கியுள்ளது. கடுமையான சட்ட நடவடிக்கைகள் மூலம் மட்டுமே இதுபோன்ற கொடூரச் செயல்களில் ஈடுபடுபவர்களுக்கும், அவர்களுக்கு உடந்தையாக இருக்கும் அதிகாரிகளுக்கும் தகுந்த தண்டனை வழங்க முடியும் என்று சமூக ஆர்வலர்களும் பொதுமக்களும் கோரிக்கை விடுத்து வருகின்றனர்.
