Netagram என்பது ஒரு செய்தி சேனலோ, உங்கள் கருத்துகளை எழுதும் ஒரு மைக்ரோப்ளாக் தளமோ அல்ல. இது உள்ளூர் மற்றும் உலக அரசியலை உங்கள் விரல் நுனிகளில் கொண்டு வரும் புதிய சமூக ஊடக செயலி.
இளம் தலைமுறைக்காக உருவாக்கப்பட்ட இந்த செயலியில், அரசியல் அப்டேட்கள், வேட்பாளர் விவரங்கள் மற்றும் பல விஷயங்களை வழங்குகிறது. இது, அரசியல் மீது ஆர்வம் உள்ள அடுத்த தலைமுறையின் குரலாக மாறி வருகிறது. இது வெறும் ஒரு செயலி அல்ல, செய்தி அறைகளிலிருந்து அரசியல் பேசுவதை, சமூக ஊடக பயனாளர்களின் கைகளில் கொண்டு வரும் ஒரு இயக்கம்.
Instagram போலவே, Netagram ஒரு சமூக ஊடக தளம். ஆனால், அரசியலுக்கே உறுதியாக உருவாக்கப்பட்டது. இதில் உள்ள பயனாளர்களுக்கு கிடைப்பவை:
– அரசியல் அமைப்புகள் மற்றும் பிரதிநிதிகளின் குறும்பட வீடியோக்களை ஸ்வைப் செய்து பார்ப்பது
– அரசியல் தலைவர்களை பின்தொடர்ந்து, அவர்களின் பதிவுகளை உடனுக்குடன் பெறுவது
– அரசியல் சம்பந்தமான விவாதங்களில் கலந்து கொள்வது
– தாங்களே வீடியோ, போட்காஸ்ட், ஓட்டுப்பதிவு செய்து பகிர்வது
– நீண்ட உரைகள் இல்லாமல் முக்கிய தகவல்களைப் பெறுவது
இன்றைய உலகம் குறும்பட உள்ளடக்கங்களை விரும்புகிறது. செய்தி வாசிப்பும், கருத்துகளை பகிர்வதும், அரசியல் கதைகள் உருவாகுவதும் இப்போது மாறிவருகின்றன. Instagram, YouTube Shorts, TikTok போன்றவை பொழுதுபோக்கில் மாற்றத்தை ஏற்படுத்தினதுபோல, அரசியலும் இந்த புதிய வழியில் பயணிக்க Netagram தயாராகிறது.
இளைஞர்கள் நீண்ட பேச்சுகளை கேட்கவோ அல்லது நீண்ட கட்டுரைகளை படிக்கவோ தயாராக இல்லை. ஆனால் அவர்கள் தெளிவான, உண்மையான தகவல்களை குறும்படமாகப் பெற விரும்புகிறார்கள். அதற்காகவே இந்த Netagram செயலி.
Netagram – முக்கிய அம்சங்கள்
பயனாளர் விருப்பங்கள் அடிப்படையில் வீடியோக்கள்
தனிப்பட்ட கருத்துகள் பகிரும் பக்கங்கள்
போட்டியிட விரும்பும் நபர்களுக்கான உரிமை
ஆழமான அரசியல் விவாதங்கள்
முக்கிய பிரச்சனைகளில் கருத்துகள் தெரிவிக்கலாம்
கருத்துக்கணிப்புகள்
பரவி பேசப்படும் தலைப்புகள், ஹாஷ்டாக்கள்
இந்த தனித்துவமான செயலி ஹாட்மெயில் மற்றும் ShowReel நிறுவனங்களின் இணை நிறுவனர் சபீர் பாதியா அவர்களால் உருவாக்கப்பட்டது. செயலி வெளியானவுடன் அவர் LinkedIn-ல், இந்தியாவுக்கு வெளிப்படையான, ஈடுபாட்டுள்ள அரசியல் தளம் தேவை. அதற்காகத்தான் நான் Netagram-ஐ உருவாக்கினேன், என்று பகிர்ந்தார்.
இளைய தலைமுறையை புரிந்து கொண்டு, அவர்கள் விரும்பும் வடிவமான குறுந்தகவல், உடனடி வீடியோக்கள், இணையதள சார்ந்த அரசியல் கலந்துரையாடல்களுக்கே இந்த செயலியை வடிவமைத்துள்ளார்.
புதிய தலைமுறை வாக்காளர்கள் ஏற்கனவே ஆன்லைனில் இருக்கிறார்கள். அவர்கள் வாக்கின் மதிப்பை உணர வேண்டும் என்பதற்காக Netagram உருவாக்கப்பட்டுள்ளது.
இந்த செயலி Like ஐ உரையாடலாக மாற்றுகிறது, Share ஐ விழிப்புணர்வாக மாற்றுகிறது, Swipe ஐ அரசியல் ஈடுபாடாக மாற்றுகிறது. மொத்தத்தில் இதுவொரு அரசியல் விக்கிபீடியாவாகவே உள்ளது.
