விஜய் சேதுபதி தமிழ் சினிமாவில் முன்னணி நடிகராக இருக்கிறார். எந்த ஒரு சினிமா பின்புறமும் இல்லாத குடும்பத்தில் இருந்து வந்து தன்னுடைய விடாமுயற்சி மற்றும் நம்பிக்கையினால் வளர்ந்தவர். ஆரம்பத்தில் சிறுசிறு கதாபாத்திரத்தில் நடித்து வந்த விஜய் சேதுபதி 2010 ஆம் ஆண்டு தென்மேற்கு பருவக்காற்று என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார்.
தொடர்ந்து பீட்சா, தர்மதுரை, சேதுபதி, பண்ணையாரும் பத்மினியும், ரம்மி, விக்ரம் வேதா, ஆரஞ்சு மிட்டாய் போன்ற பல திரைப்படங்களில் வித்தியாசமான கெட்டப்புகளை தேர்ந்தெடுத்து வயசானவர் இளமை என எல்லா கதாபாத்திரங்களிலும் தனது அபாரமான நடிப்பை வெளிகாட்டி குறைந்த காலத்தில் தமிழ் சினிமாவின் முன்னணி நடிகராக இடம் பிடித்தவர் விஜய் சேதுபதி.
நடிகராக மட்டுமல்லாமல் வில்லன் கதாபாத்திரங்களை தேர்ந்தெடுத்ததன் மூலமும் மக்கள் மனதில் இடம் பிடித்தார்விஜய் சேதிபதி. விஜய்க்கு எதிராக மாஸ்டர் போன்ற திரைப்படங்களில் அவர் வில்லனாக நடித்தது பெரிதும் பாராட்டப்பட்டது. அதற்கு அடுத்ததாக சூரியுடன் இணைந்து விடுதலை திரைப்படத்தில் நடித்தார். எவ்ளோ பெரிய நடிகராக இருந்தாலும் மிகவும் யதார்த்தமாக இருப்பவர் விஜய் சேதுபதி. தற்போது பல படங்களில் கமிட்டாகி பிஸியான நடிகராக இருந்துவரும் விஜய் சேதுபதியின் ஏஸ் திரைப்படம் தற்போது வெளியாகியிருக்கிறது.
இந்நிலையில் நடிகர் விஜய் சேதுபதியின் மகன் சூர்யா விஜய் சேதுபதி ஹீரோவாக அறிமுகமாகும் ஃபீனிக்ஸ் திரைப்படம் வெளியாகியிருக்கிறது. இந்தப் படத்தில் ப்ரமோஷன் நிகழ்ச்சியில் கலந்து கொண்ட சூர்யா விஜய் சேதுபதி வாயில் பபுள்கம் சாப்பிட்டபடியே ஆட்டியூடாக பேசியதை கடந்த இரண்டு நாட்களாக எல்லோரும் டிரோல் செய்து வந்தனர். ஆனால் யாரும் எதிர்பாராத விதமாக இன்று பீனிக்ஸ் திரைப்படத்திற்கு நல்ல விமர்சனங்கள் வருகிறது. மேலும் சூரியா விஜய் சேதுபதியை ரசிகர்கள் புகழ்கிறார்கள். அது என்னவென்றால் சூர்யா விஜய் சேதுபதியை யாரெல்லாம் ட்ரோல் செய்தீர்களோ அதை எல்லாம் விட்டு விடுங்கள். பீனிக்ஸ் திரைப்படத்தில் அவர் அற்புதமாக நடித்திருக்கிறார். ஆக்சன் காட்சிகளில் அவர் அப்பாவையே மிஞ்சி அட்டகாசமாக நடித்திருக்கிறார் சூர்யா விஜய் சேதுபதி என்று ரசிகர்கள் புகழாரம் சூட்டி வருகிறார்கள்.
