தமிழ் சினிமாவில் முன்னணி நடிகராக இருந்து வருபவர் சிம்பு. இவரது தந்தை டி ராஜேந்தர் தமிழ் சினிமாவில் பணியாற்றிய இயக்குனர் மற்றும் நடிகர். அதன்மூலம் சினிமாவில் நடிக்கும் வாய்ப்பு இளம் வயதிலேயே சிம்புவுக்கு கிடைத்தது. அதன்படி குழந்தை நட்சத்திரமாக 1980களில் தமிழ் சினிமாவில் அறிமுகமானார் சிம்பு.
2002 ஆம் ஆண்டு இவரது தந்தை டி ராஜேந்தர் இயக்கிய காதல் அழிவதில்லை திரைப்படத்தின் மூலம் தமிழ் சினிமாவில் நாயகனாக அறிமுகமானார் சிம்பு. தொடர்ந்து கோவில், மன்மதன், வல்லவன், சரவணா, விண்ணைதாண்டி வருவாயா போன்ற பல வெற்றி திரைப்படங்களில் நடித்தார். 2010 காலகட்டத்தில் புகழின் உச்சியில் இருந்தார் சிம்பு.
அதைத்தொடர்ந்து சற்று இடைவெளி விட்டு விட்டு மாநாடு, ஈஸ்வரன், வெந்து தணிந்தது காடு போன்ற பல வெற்றி திரைப்படங்களில் நடித்து வந்தார் சிம்பு. தற்போது பல படங்களில் கமிட் ஆகி பிஸியாக நடித்து வருகிறார் சிம்பு. சில தினங்களுக்கு முன்பு அவரது பிறந்தநாளுக்கு கூட மூன்று படங்களின் அப்டேட்டுகள் வெளிவந்தது. அதில் ஒரு படம் STR 49 பார்க்கிங் பட இயக்குனர் ராம்குமார் இயக்குவதாகும்.
இந்த STR 49 திரைப்படத்தில்தான் கதாநாயகியாக நடிப்பதற்கு சாய்பல்லவியிடம் பேச்சுவார்த்தை நடந்து வருவதாக தகவல் வெளியாகியிருக்கிறது. மேலும் இந்த படத்தின் மூலம் சந்தானம் காமெடியனாக கம்பேக் கொடுக்க இருக்கிறார் என்றும் கூறுகிறார்கள். இவர்கள் இருவரும் இந்த படத்தில் நடித்தால் கண்டிப்பாக இந்த திரைப்படம் மிகப்பெரிய வெற்றியடையும் என்று ரசிகர்கள் சந்தோஷம் அடைந்து இருக்கிறார்கள்.
