தமிழ் சினிமாவில் முன்னணி நடிகராக இருந்து வருபவர் சிம்பு. இவரது தந்தை டி ராஜேந்தர் தமிழ் சினிமாவில் பணியாற்றிய இயக்குனர் மற்றும் நடிகர். அதன்மூலம் சினிமாவில் நடிக்கும் வாய்ப்பு இளம் வயதிலேயே சிம்புவுக்கு கிடைத்தது. அதன்படி குழந்தை நட்சத்திரமாக 1980களில் தமிழ் சினிமாவில் அறிமுகமானார் சிம்பு.
2002 ஆம் ஆண்டு இவரது தந்தை டி ராஜேந்தர் இயக்கிய காதல் அழிவதில்லை திரைப்படத்தின் மூலம் தமிழ் சினிமாவில் நாயகனாக அறிமுகமானார் சிம்பு. தொடர்ந்து கோவில், மன்மதன், வல்லவன், சரவணா, விண்ணைதாண்டி வருவாயா போன்ற பல வெற்றி திரைப்படங்களில் நடித்தார். 2010 காலகட்டத்தில் புகழின் உச்சியில் இருந்தார் சிம்பு.
அதைத்தொடர்ந்து சற்று இடைவெளி விட்டு விட்டு மாநாடு, ஈஸ்வரன், வெந்து தணிந்தது காடு போன்ற பல வெற்றி திரைப்படங்களில் நடித்து வந்தார் சிம்பு. தற்போது பல படங்களில் கமிட் ஆகி பிஸியாக நடித்து வருகிறார் சிம்பு. சமீபத்தில் அவரது பிறந்தநாளுக்கு கூட மூன்று படங்களின் அப்டேட்டுகள் வெளிவந்தது. தற்போது கமல்ஹாசன் அவர்களுடன் சிம்பு நடித்த Thug Life படம் வெளியாகி இருக்கிறது.
அடுத்தடுத்து பல படங்களில் கமிட்டாகி பிஸியாக இருந்து வரும் சிம்பு தற்போது வெற்றிமாறனுடன் இணைந்து ஒரு படம் பண்ண போவதாக தகவல் வெளியாகியிருக்கிறது இந்த படத்தின் கதை நார்த் மெட்ராஸ் கேங்ஸ்டர் கதையை மையமாகக் கொண்டதாக இருக்கும் என்று கூறப்படுகிறது. மேலும் இந்த படத்தை பற்றிய புது தகவல் என்னவென்றால் சிம்பு மற்றும் வெற்றிமாறன் இணைந்து உருவாக்கும் படத்தில் நடிகர் கவின் மற்றும் இயக்குனர் நெல்சன் கேமியோ ரோலில் நடிக்க இருப்பதாக தகவல் வெளியாகியிருக்கிறது. அதில் நெல்சன் நடிக்கும் கதாபாத்திரம் மிகவும் சர்பிரைஸாக இருக்கும் என்றும் கூறப்படுகிறது. இது ரசிகர்களிடைய இந்த படத்தின் மீதான எதிர்பார்ப்பை அதிகப்படுத்தி இருக்கிறது.
