தனுஷ் தமிழ் சினிமாவின் முன்னணி நடிகர் தற்போது வளர்ந்து வரும் பிரபலமான இயக்குனராக இருக்கிறார். இவரது தந்தை கஸ்தூரிராஜா தமிழ் சினிமாவில் பணியாற்றிய இயக்குனர் மற்றும் இவரது சகோதரர் செல்வராகவன் தமிழ் சினிமாவில் இயக்குனராகவும் நடிகராகவும் இருந்து வருகிறார்.
2002 ஆம் ஆண்டு துள்ளுவதோ இளமை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார் தனுஷ். ஆரம்பத்தில் இவரது தோற்றத்திற்காக மிகவும் கேலி கிண்டலுக்கு உள்ளானார். ஆனால் அதையும் தாண்டி தற்போது பல வெற்றி திரைப்படங்களில் நடித்து முன்னணி நடிகராக இருக்கிறார்.
இயக்குனராக தற்போது புது அவதாரம் எடுத்துள்ள தனுஷ் சமீபத்தில் ராயன் என்ற திரைப்படத்தை இயக்கினார். அது நூறு கோடி வசூலை பெற்றது. அதை தொடர்ந்து தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வெளியிட்டார். ஆனால் இது எதிர்பார்த்த அளவு போகவில்லை. அடுத்ததாக தனுஷ் இயக்கத்தில் இட்லி கடை படம் வெளிவர இருக்கிறது.
இந்நிலையில் இன்று தனுஷ் நாகார்ஜுனா ராஷ்மிகா மந்தனா நடித்த குபேரா திரைப்படம் தெலுங்கில் பெங்களூருவில் ரிலீஸ் ஆகி இருக்கிறது. இந்த படத்திற்கு ரசிகர்கள் நல்ல ரிவியூக்களை கொடுத்து தனுஷை பாராட்டி வருகிறார்கள். இந்த படத்தின் ஓபனிங் சீனில் பிச்சைக்காரன் ஆக அருமையாக தனுஷ் நடித்திருப்பதாகவும் இந்த மாதிரி ஒரு ஒப்பனிங் சீனில் நடிக்க வேறு எந்த மாஸ் நடிகரும் ஒத்துக் கொள்ள வாய்ப்பில்லை எனவும் தனுஷை புகழ்ந்து தள்ளி வருகிறார்கள். மேலும் இந்த படத்தில் ஹீரோக்கான மாஸ் என்று எதையும் காட்டாமல் அந்த கதாபாத்திரத்திற்கு என்ன வேண்டுமோ அந்த அளவுக்கு இறங்கி பெர்பாமராக தனுஷ் அருமையாக அட்டகாசமாக தனது நடிப்பை வெளிப்படுத்தி இருக்கிறார். இந்த திரைப்படம் நிச்சயம் வெற்றி பெறும் என்று ரசிகர்கள் தனுஷிற்கு புகழாரம் சூட்டி வருகிறார்கள்.
