தமிழ் சினிமாவில் முன்னணி நடிகராக இருந்து வருபவர் அஜித்குமார். எந்த ஒரு சினிமா பின்புறமும் இல்லாமல் இன்று தனக்கென தனி இடத்தை தமிழ் சினிமாவில் பிடித்திருக்கிறார். ஆரம்பத்தில் இவருக்கு கார் ரேசிங்கில் தான் அதிக ஆர்வம் இருந்திருக்கிறது. தனது 18 வது வயதில் கார் ரேசிங்கில் கலந்து கொண்டார் அஜித்குமார். அந்த நேரத்தில் மாடலிங்கும் செய்து வந்தார். அதன் மூலம் அவருக்கு சினிமாவில் நடிக்கும் வாய்ப்பு கிடைத்தது.
1990களில் தமிழ் சினிமாவில் நாயகனாக அறிமுகமான அஜித் குமார் காதல் மன்னன் வாலி போன்ற பல வெற்றி திரைப்படங்களில் நடித்து தமிழ் சினிமாவின் சாக்லேட் பாயாக வலம் வந்தார். 2000 காலகட்டத்திற்கு பிறகு பல கமர்சியல் வெற்றி திரைப்படங்களில் நடித்து முன்னணி நடிகராக ஆனார் அஜித்குமார்.
நீண்ட இடைவேளைக்கு பிறகு அஜித்குமார் நடித்த விடாமுயற்சி திரைப்படம் பொங்கலுக்கு வெளியாகும் என்று கூறி பிப்ரவரி ஆறாம் தேதி ரிலீசானது. இந்த படம் தள்ளிப் போனதால் எல்லா திரைப்படங்களின் ரிலீஸும் குழப்பத்திற்கு உள்ளானது. அதே போல் இவர் நடித்த Good Bad Ugly திரைப்படம் கடந்த வியாழக்கிழமை வெளியானது. ரசிகர்கள் இந்த படத்திற்கு நல்ல விமர்சனங்களை கொடுத்து வருகிறார்கள். இந்நிலையில் Good Bad Ugly படத்தின் இயக்குனர் ஆதிக் ரவிச்சந்திரன் உடன் அஜித்குமார் மீண்டும் இணைந்து படம் பண்ண போகிறார் என்ற தகவல் வெளியானது.
இந்நிலையில் Good Bad Ugly படத்தில் பெரிதாக கதைக்களம் இல்லாவிட்டாலும் அஜித் ரசிகர்கள் போற்றும் வகையில் பல பேன் பாய் சம்பவங்கள் இந்த படத்தில் இருக்கிறது. இது தவிர விண்டேஜ் பாடல்கள் அடங்கி இருப்பதால் ரசிக்கும்படியாகவே இந்த படம் இருக்கிறது என்று கூறுகிறார்கள். இந்நிலையில் இப்படம் வெளியாகி ஐந்து நாட்கள் ஆன நிலையில் உலக அளவில் Good Bad Ugly திரைப்படம் 170 கோடி ரூபாய் வசூலித்து இருக்கிறது. விரைவில் 200 கோடியை இது தொட்டுவிடும் என்று எதிர்பார்க்கப்படுகிறது. இது ரசிகர்களிடையே மகிழ்ச்சியை ஏற்படுத்தி இருக்கிறது.
