தனுஷ் தமிழ் சினிமாவின் முன்னணி நடிகர் தற்போது வளர்ந்து வரும் பிரபலமான இயக்குனராக இருக்கிறார். இவரது தந்தை கஸ்தூரிராஜா தமிழ் சினிமாவில் பணியாற்றிய இயக்குனர் மற்றும் இவரது சகோதரர் செல்வராகவன் தமிழ் சினிமாவில் இயக்குனராகவும் நடிகராகவும் இருந்து வருகிறார்.
2002 ஆம் ஆண்டு துள்ளுவதோ இளமை என்ற திரைப்படத்தின் மூலம் தமிழ் சினிமாவில் நாயகனாக அறிமுகமானார் தனுஷ். ஆரம்பத்தில் இவரது தோற்றத்திற்காக மிகவும் கேலி கிண்டலுக்கு உள்ளானார். ஆனால் அதையும் தாண்டி தற்போது பல வெற்றி திரைப்படங்களில் நடித்து முன்னணி நடிகராக இருக்கிறார்.
இயக்குனராக தற்போது புது அவதாரம் எடுத்துள்ள தனுஷ் சமீபத்தில் ராயன் என்ற திரைப்படத்தை இயக்கினார். அது நூறு கோடி வசூலை பெற்றது. அதை தொடர்ந்து தற்போது நிலவுக்கு என் மேல் என்னடி கோபம் என்ற திரைப்படத்தை இயக்கி வெளியிட்டார். ஆனால் இது எதிர்பார்த்த அளவு போகவில்லை. அடுத்ததாக தனுஷ் இயக்கத்தில் இட்லி கடை படம் வெளிவர இருக்கிறது. தற்போது தனுஷ் நடித்த குபேரா திரைப்படம் வெளியாகி நல்ல விமர்சனங்களை பெற்று வருகிறது.
இந்நிலையில் தனுஷ் இந்தியில் நடித்த TereIshkMein படத்தின் படபிடிப்பு நிறைவடைந்துள்ளது. இந்த திரைப்படம் வெளிவர இருக்கிறது. அடுத்ததாக தமிழில் தனுஷ் இயக்கி நடித்த இட்லி கடை திரைப்படமும் வெளிவர இருக்கிறது. தொடர்ந்து பிஸியாக ஓடிக் கொண்டிருக்கிறார் தனுஷ். TereIshkMein படத்தின் நாயகி க்ரித்தி சனோன் அப்படத்தின் படப்பிடிப்பு நிறைவடைந்ததை ஒட்டி பதிவு ஒன்றை பகிர்ந்து இருக்கிறார். அதில் அவர் தனுஷை பற்றி சில விஷயங்களை கூறியிருக்கிறார். அதில் அவர் கூறியது என்னவென்றால், தனுஷ் திறமையான நடிகர்களுள் ஒருவர். அவருடைய நடிப்பை பார்த்து நான் அசந்து போய் விட்டேன். அவருடன் நடிக்கும் ஒவ்வொரு காட்சிகளிலும் கடினமான காட்சிகளிலும் கூட நான் மிகவும் ரசித்து என்ஜாய் பண்ணி நடித்தேன் என்று பகிர்ந்திருக்கிறார் நடிகை க்ரித்தி சனோன்.
