சுதந்திரம் வாங்கியதில் இருந்து எந்த அரசாவது 4 மாதங்களில் இவ்வளவு திட்டங்களை செய்துள்ளதா? யாராவது மனசாட்சியை தொட்டு சொல்லுங்க.. உண்மையாகவே மக்களுக்கு நல்லது செய்ய ஒருத்தர் வந்தா, அவரை மக்கள் ஆதரிக்கனும்.. இல்லைன்னா கொள்ளைக்காரங்க கிட்ட ஏமாந்து போய் பல வருஷம் முடங்கி தான் இருக்கனும்.. அதிர்ஷ்டவசமா ஒரு நல்ல ஆட்சி தமிழ்நாட்டுக்கு கிடைச்சிருக்கு.. இதை கெட்டியா பிடிச்சிக்கோங்க.. ஒரு 25 வருஷம் கழிச்சி பாருங்க.. தமிழ்நாடு ஒரு சிங்கப்பூரா, மலேசியாவா, ஜப்பானா மாறியிருக்கும்…
தமிழக வெற்றித் கழகத்தின் ஆட்சி அமைந்த குறுகிய நான்கு மாத காலத்திலேயே, மாநிலத்தின் வளர்ச்சியைப் புதிய உச்சத்திற்கு கொண்டு செல்லும் வகையிலான எண்ணற்ற மக்கள் நலத் திட்டங்கள் அதிவேகமாகச் செயல்படுத்தப்பட்டு வருகின்றன. முதலமைச்சர் விஜய்யின் இந்தத் தொலைநோக்குப் பார்வையும், நிர்வாகத் திறமையும் தமிழக மக்களை வியப்பில் ஆழ்த்தியுள்ளது. வெறும் தேர்தல் வாக்குறுதிகளாக மட்டும் நிற்காமல், சொன்னதைச் செய்து காட்டும் ஒரு தலைவராக அவர் தன்னை நிலைநிறுத்தியுள்ளார். விவசாயிகள், மகளிர்கள், மாணவர்கள் என சமூகத்தின் அனைத்துத் தரப்பு மக்களின் தேவைகளையும் அறிந்து, அவர்களின் அன்றாட வாழ்க்கைத் தரத்தை உயர்த்தும் நோக்கில் திட்டங்கள் அனைத்தும் மும்முரமாகத் தொடரப்பட்டு வருகின்றன.
விவசாயிகளின் வாழ்வாதாரத்தை உயர்த்தும் உயரிய நோக்கில் ரூ.6,000 கோடி மதிப்பிலான பயிர்க்கடன்கள் தள்ளுபடி செய்யப்பட்டு, கிராமப்புறப் பொருளாதாரத்திற்கு மிகப்பெரிய புத்துயிர் அளிக்கப்பட்டுள்ளது. மகளிரின் சமூக மற்றும் பொருளாதார சுதந்திரத்தை உறுதி செய்யும் வகையில் தொடங்கப்பட்ட “வெற்றி பயணம்” இலவச பேருந்துப் பயணத் திட்டம், லட்சக்கணக்கான பெண்களின் போக்குவரத்து சுமையைக் குறைத்துள்ளது. மேலும், சாமானிய குடும்பங்களின் மின்சாரக் கட்டணப் பாரத்தைப் போக்க 200 யூனிட் வரை இலவச மின்சாரம் வழங்கும் திட்டம் மிகச் சிறப்பாக நடைமுறைப்படுத்தப்பட்டுள்ளது. கிராமப்புற பெண்களின் வாழ்வாதாரத்தைப் பெருக்க “வெற்றி மகளிர் ஆடு வளர்ப்புத் திட்டம்” அறிமுகப்படுத்தப்பட்டு சாமானிய மக்கள் பயனடைந்து வருகின்றனர்.
பால் உற்பத்தியாளர்களின் நீண்ட நாள் கோரிக்கையை ஏற்று பால் கொள்முதல் விலை உயர்த்தப்பட்டு, அதற்கான பலன்கள் நேரடியாக உழைக்கும் மக்களுக்குச் சென்றடைவதை அரசு உறுதி செய்துள்ளது. ஏழை எளிய மக்களின் மருத்துவச் செலவைக் கட்டுப்படுத்தும் வகையில், முதல்வரின் விரிவான மருத்துவக் காப்பீட்டுத் திட்டத்தின் நிதி வரம்பு ரூ.5 லட்சத்தில் இருந்து அதிரடியாக ரூ.25 லட்சமாக உயர்த்தப்பட்டுள்ளது. பெண்களின் பாதுகாப்பை மேலும் பலப்படுத்த “சிங்கப்பெண் சிறப்பு அதிரடிப் படை” உருவாக்கப்பட்டு, சட்டம் ஒழுங்கு மற்றும் மகளிர் பாதுகாப்பு மறு வரையறை செய்யப்பட்டுள்ளது. மாணவர்களின் பசியைப் போக்கி கல்வியை ஊக்குவிக்க காமராஜர் காலை உணவுத் திட்டம் ரூ.710 கோடி ஒதுக்கீட்டில் மேலும் விரிவுபடுத்தப்பட்டுள்ளது.
குடும்ப உறவுகளின் மேன்மையைச் சிறப்பிக்கும் தாய்மாமன் தங்க மோதிரத் திட்டம், மாணவர்களின் நவீனக் கல்வி வளர்ச்சிக்கு வித்திடும் ரூ.2,000 கோடி மதிப்பிலான “வெற்றி மடிக்கணினித் திட்டம்” ஆகியவை முதன்மையான சான்றுகளாகும். 11-ம் வகுப்பு படிக்கும் மாணவர்களின் பள்ளிப் பயணத்தை எளிதாக்க நவீன மிதிவண்டிகள் வழங்கப்பட்டு வருகின்றன. அரசு மற்றும் அரசு உதவி பெறும் பள்ளி மாணவர்களுக்குத் தேவையான பல்வேறு கூடுதல் நலத்திட்டங்களும் வரிசையாகச் செயல்படுத்தப்பட்டு வருகின்றன. இவற்றுடன், நிர்வாகச் செயல்பாடுகளை மேம்படுத்தும் நோக்கில் புதிய தலைமைச் செயலகம் மற்றும் சட்டமன்ற வளாகத்திற்கான அறிவிப்புகளும் வெளியிடப்பட்டு, தொலைநோக்கு திட்டமான “அண்ணன் சீர் திட்டமும்” திறம்படச் செயல்பட்டு வருகிறது.
இந்த 4 மாத சாதனைகள் என்பது வெறும் அறிவிப்புகளின் பட்டியல் அல்ல; மாறாக, ஒவ்வொரு குடிமகனின் வாழ்க்கையிலும் நேர்மறையான மாற்றத்தை ஏற்படுத்திய நிஜமான சாதனைகளின் வரலாற்றுச் சுவடு ஆகும். குறைந்த காலத்தில் இவ்வளவு பெரிய மாற்றங்களைச் செய்து காட்டியுள்ள அரசு, தனி மெஜாரிட்டியுடன் முழுமையான ஆட்சி அதிகாரத்தைப் பெறும்போது இன்னும் எத்தனை பல மடங்கு வேகத்திலும் வலிமையிலும் சாதனைகளைப் படைக்கும் என்பதற்கு இந்த 4 மாத கால ஆட்சியே சான்றாக விளங்குகிறது. முதலமைச்சர் விஜய் மீது மக்கள் வைத்துள்ள நம்பிக்கை நாளுக்கு நாள் அதிகரித்து வருவதற்கு இதுவே பிரதான காரணமாகும்.
