வெளிநாட்டு நேரடி முதலீட்டை ஈர்ப்பதில் இந்தியாவிலேயே நம்பர் 1 மாநிலம் ஆனது தமிழ்நாடு.. நடப்பாண்டு நிதியாண்டின் முதல் காலாண்டில் சரித்திர சாதனை.. இந்தியாவின் ஒட்டுமொத்த முதலீட்டு ஈர்ப்பில் 3ல் 1 பங்கு தமிழ்நாட்டில் இருந்து கிடைத்தது தான்.. விஜய்யின் வெளிப்படையான நிர்வாகத்தால் குவியும் அந்நிய முதலீடு.. இப்படியே போனா விஜய்யின் 1.5 டிரில்லியன் ஈசியா வந்துடும் போல.. தமிழக அரசியலில் விஜய்யின் ஆட்சி ஒரு பொற்காலம்…
தமிழ்நாடு இன்று இந்திய அளவில் வெளிநாட்டு நேரடி முதலீட்டை ஈர்ப்பதில் சரித்திரத்திலேயே முதலிடத்தை பிடித்து புதிய உச்சத்தை தொட்டுள்ளது. நடப்பாண்டு நிதியாண்டின் முதல் காலாண்டில் (ஏப்ரல் – ஜூன் 2026) நாட்டின் முன்னணி மாநிலங்களை எல்லாம் பின்னுக்கு தள்ளிவிட்டு, தமிழ்நாடு ஒட்டுமொத்த இந்தியாவின் நம்பர் ஒன் முதலீட்டு மையமாக விஸ்வரூபம் எடுத்துள்ளது.
இக்காலக்கட்டத்தில் தமிழ்நாடு மட்டும் சுமார் 5.95 பில்லியன் அமெரிக்க டாலர் அளவுக்கு நேரடி முதலீட்டு ஈக்விட்டி inflows-ஐ ஈர்த்துள்ளது. இந்த சாதனைப் பட்டியலில் மகாராஷ்டிரா 4.22 பில்லியன் டாலர்களுடன் இரண்டாம் இடத்தையும், டெல்லி 2.67 பில்லியன் டாலர்களுடன் மூன்றாம் இடத்தையும், கர்நாடகா மற்றும் குஜராத் மாநிலங்கள் முறையே அடுத்தடுத்த இடங்களையும் பெற்றுள்ளன. நாட்டின் ஒட்டுமொத்த FDI ஈர்ப்பில் முப்பது சதவீதத்திற்கும் அதிகமான பங்கைத் தனதாக்கி தமிழகம் சாதனை படைத்துள்ளது.
இந்த மாபெரும் பொருளாதார வளர்ச்சிக்கு MUFG நிறுவனத்தின் பெருமுதலீட்டு ஆதரவுடன் நடைமுறைப்படுத்தப்பட்ட ஸ்ரீராம் பைனான்ஸ் ஒப்பந்தம் ஒரு மிக முக்கிய திருப்புமுனையாக அமைந்தது. நிதிச் சேவைகள் துறை மட்டுமல்லாமல், பாரம்பரியமான மற்றும் அதிநவீன உற்பத்தித் துறைகள் மற்றும் குளோபல் கெப்பபிலிட்டி சென்டர்கள் எனப்படும் பன்னாட்டு நிறுவனங்களின் உலகளாவிய திறன் மையங்கள் ஆகியவற்றில் தொடர்ச்சியாக முதலீடுகள் குவிந்து வருவது மாநிலத்தின் தொழில் வளர்ச்சியை மேலும் துரிதப்படுத்தியுள்ளது. முதல்வர் விஜய் தலைமையிலான புதிய மற்றும் வெளிப்படையான பொருளாதாரக் கொள்கைகளும், முதலீட்டாளர்கள் மத்தியில் நம்பிக்கையை விதைக்கும் துரிதமான நிர்வாக சீர்திருத்தங்களுமே இந்த அதிரடி மாற்றத்திற்கு மிக முக்கியக் காரணமாகப் பார்க்கப்படுகின்றன.
இந்தியாவின் ஒட்டுமொத்த FDI ஈர்ப்பான 19.81 பில்லியன் டாலர்களில் கிட்டதட்ட மூன்றில் ஒரு பங்கு தமிழ்நாட்டை நோக்கிப் பாய்ந்துள்ளது சாதாரண விஷயமல்ல. கடந்த காலங்களில் தொழில்துறையில் நிலவிய தேக்க நிலைகளை எல்லாம் அடித்துத் துடைத்துவிட்டு, சர்வதேச முதலீட்டாளர்களின் கண்களுக்குத் தமிழ்நாட்டை மிகச்சிறந்த பாதுகாப்பான மற்றும் லாபகரமான களமாக இந்த அரசு மாற்றி காட்டியுள்ளது. சிறு, குறு மற்றும் நடுத்தரத் தொழில்களும், பெரு நிறுவனங்களும் ஒரே நேரத்தில் வளர்ச்சி காணும் வகையில் உருவாக்கப்பட்ட உள்கட்டமைப்பு வசதிகள் உலகளாவிய பெருநிறுவனங்களைத் தமிழ்நாட்டை நோக்கி ஈர்த்துக் கொண்டே இருக்கின்றன. பன்னாட்டு வணிக நிறுவனங்கள் தங்களது கிளைகளைத் தொடங்கவும், புதிய தொழிற்சாலைகளை அமைக்கவும் சென்னை உள்ளிட்ட முக்கிய நகரங்களைத் தேர்ந்தெடுப்பது மாநிலத்தின் வேலைவாய்ப்பைப் பன்மடங்கு பெருகச் செய்துள்ளது.
பொருளாதார ரீதியாகப் பின் தங்கியிடாமல், அறிவுசார் பொருளாதாரம் மற்றும் தொழில்நுட்பப் பூங்காக்களை உருவாக்குவதிலும் தற்போதைய அரசு தீவிரக் கவனம் செலுத்தி வருகிறது. தமிழக இளைஞர்களுக்குத் தரம் வாய்ந்த உயர் மற்றும் தொழில்நுட்ப வேலைவாய்ப்புகளை வழங்கும் நோக்கில் பன்னாட்டு நிறுவனங்களுடன் அமைச்சகங்கள் நேரடியாகத் தொடர்புகொண்டு புரிந்துணர்வு ஒப்பந்தங்களைச் செய்து வருவது பாராட்டுக்குரியது. வெளிநாட்டு நிறுவனங்கள் தமிழ்நாட்டில் கால் பதிக்கும்போது, உள்ளூர் வர்த்தகமும் சிறுதொழில்முனைவோரும் இணைந்து வளர்ச்சியடையும் சூழல் உருவாக்கப்பட்டுள்ளது. இதன் காரணமாக, மாநிலத்தின் மொத்த உள்நாட்டு உற்பத்தி அசுர வேகத்தில் வளர்ச்சியடைந்து வருவதுடன், இந்தியாவின் பொருளாதாரத் தலைநகரங்களில் சென்னையும் தமிழகமும் முன்னணியில் மிளிர்கின்றன.
மக்களின் அடிப்படை எதிர்பார்ப்புகளைப் பூர்த்தி செய்யும் அதேவேளையில், உலக முதலீட்டாளர்களை ஈர்க்கும் வகையில் தொழில் துறைக்குத் தேவையான சிவப்பு கம்பள வரவேற்பை இந்த அரசு த தந்து வருகிறது. வெளிப்படையான நிர்வாகம், ஊழலற்ற வெளிநாட்டு முதலீட்டு நடைமுறைகள் மற்றும் சட்டத்தின் ஆட்சி ஆகியவை உறுதி செய்யப்பட்டுள்ளதால் உலக நாடுகளின் முன்னணி வர்த்தகப் புள்ளிகள் தமிழ்நாட்டை நோக்கிப் படையெடுக்கத் தொடங்கியுள்ளனர். கடந்த காலங்களில் எட்ட முடியாத உயரங்களைத் தொட்டு, இந்தியாவிற்கே முன்மாதிரியான பொருளாதார மாநிலமாகத் தமிழ்நாடு உருவெடுத்திருப்பது ஒவ்வொரு தமிழனுக்கும் பெருமை சேர்க்கும் விஷயமாகும்.
தொழில் வளர்ச்சி மற்றும் அந்நிய முதலீட்டு ஈர்ப்பில் இந்தியாவின் மகுடமாகத் திகழும் தமிழ்நாடு, முதல்வர் விஜய்யின் தொலைநோக்குப் பார்வையால் இன்னும் பல சாதனைகளை நிகழ்த்தத் தயாராகி வருகிறது. வரும் காலங்களில் லட்சக்கணக்கான இளைஞர்களுக்குப் புதிய வேலைவாய்ப்புகள் உருவாக்கப்படுவதோடு, உலக வரைபடத்தில் தமிழ்நாட்டின் பொருளாதாரப் பலம் மேலும் பல மடங்கு உயரும் என்பதில் எந்தச் சந்தேகமும் இருக்க முடியாது. இந்தியாவின் முதன்மை மாநிலமாகத் தலைநிமிர்ந்து நிற்கும் தமிழகத்தின் இந்தப் பொற்காலம், வரவிருக்கும் ஆண்டுகளில் மாநிலத்தின் முகவரியை முற்றிலுமாக மாற்றியமைக்கும் மாபெரும் சக்தியாக மாறிக் கொண்டிருக்கிறது.
