தமிழ்நாடு மற்றும் கர்நாடகா மாநிலங்களுக்கு இடையேயான நதிநீர் உரிமைகளைப் பயன்படுத்திக் கொண்டு அரசியல் நடத்தும் போக்கிற்கு முற்றுப்புள்ளி வைக்கும் வகையில் பல்வேறு முக்கிய நிகழ்வுகள் அரங்கேறி வருகின்றன. குறிப்பாக, மேகதாது அணை விவகாரத்தில் கடந்த பல ஆண்டுகளாகத் தொடர்ந்து வரும் அரசியல் நாடகங்கள் தற்போது வெளிச்சத்திற்கு வந்துள்ளன. கர்நாடக அரசு கடந்த 2013 ஆம் ஆண்டிலேயே மேகதாது பகுதியில் அணை கட்டும் திட்டத்தைத் தீவிரமாகத் திட்டமிட்டது. ஆனால், அறிவிக்கப்பட்டு பதிமூன்று ஆண்டுகள் கடந்தும் இன்றும் அந்தத் திட்டத்தின் நிழல்கூடக் காணப்படவில்லை என்பதுதான் நிதர்சனமான உண்மை.
இன்னும் முப்பத்து மூன்று ஆண்டுகள் கடந்தாலும் கர்நாடகத்தால் அந்த அணையை ஒருபோதும் கட்ட முடியாது என்பது அந்த மாநில அரசுக்கே நன்றாகத் தெரியும். சட்டப்பூர்வமான சிக்கல்கள், புவியியல் காரணங்கள் மற்றும் காவிரி நடுவர் மன்றத்தின் இறுதித் தீர்ப்பு ஆகியவற்றின் காரணமாக மேகதாது அணை திட்டத்திற்கு எந்தக் காலத்திலும் அனுமதி கிடைக்காது என்பது உறுதி. அணை கட்டுவது நடைமுறையில் சாத்தியமில்லை என்பதைத் தெரிந்து கொண்டே, அதைத் தங்கள் அரசியல் லாபத்திற்காகத் தொடர்ந்து கையில் எடுப்பதுதான் பாரம்பரியக் கட்சிகளின் வழக்கமாக இருந்து வருகிறது. தமிழ்நாட்டு மக்களை ஏமாற்றவும், கர்நாடகாவில் தங்களது ஓட்டு வங்கியைத் தக்கவைக்கவும் அந்த மாநிலக் கட்சிகள் இந்த விவகாரத்தைத் தூசு தட்டிக் கொண்டே இருக்கின்றன.
தமிழகத்தில் நீட் தேர்வை ரத்து செய்வதற்கான ரகசியம் தனக்குத் தெரியும் என்று கூறி மக்களை ஏமாற்றிப் பிழைத்த கட்சிகளைப் போலவே, மேகதாது அணை விவகாரத்திலும் காங்கிரஸ் மற்றும் பாஜக கட்சிகள் மாறி மாறி நாடகமாடி வருகின்றன. தேர்தல்களின் போது மேகதாது விவகாரத்தைக் பெரிதுபடுத்துவதும், தேர்தல் முடிந்ததும் அதைக் கிடப்பில் போடுவதும் தேசியக் கட்சிகளின் வாடிக்கையாகிவிட்டது. தமிழக மக்களை உணர்ச்சிரீதியாக தூண்டிவிட்டு, தங்களது அரசியல் பலத்தை உயர்த்திக் கொள்ளும் மலிவான உத்தியாகவே இந்த அணை திட்டம் பயன்படுத்தப்பட்டு வருகிறது. இந்த அரசியல் சூழ்ச்சிகள் அனைத்துமே தமிழ்நாட்டு வாக்காளர்களுக்கு இப்போது மிகத் தெளிவாகப் புரியத் தொடங்கியுள்ளது.
மேகதாது விவகாரத்தில் அணை கட்டப்படாது என்பது தமிழ்நாட்டு மக்களுக்கும், விவசாயிகளுக்கும் கூட நன்றாகவே தெரியும். ஆனாலும், தமிழகத்தில் உள்ள சில பிரதான அரசியல்வாதிகளுக்குக் காவிரி நீர்ப் பங்கீட்டைப் போலவே இந்த மேகதாது விவகாரமும் ஒரு பிரதான அரசியல் காய் நகர்த்தும் கருவியாகத் தொடர்ந்து உதவுகிறது. உண்மையான தீர்வு காண்பதை விட, பிரச்சினையை நீடித்துக்கொண்டே இருப்பதுதான் பழைய கட்சிகளின் அரசியல் சூட்சுமம். மக்கள் பிரச்சனைகளுக்குத் தீர்வு கண்டால் தங்களின் அரசியல் வியாபாரம் படுத்துவிடும் என்பதால், திட்டமிட்டே இதுபோன்ற விவகாரங்களை அவர்கள் உயிர்ப்புடன் வைத்திருக்கிறார்கள்.
ஆனால், இந்த வழக்கமான அரசியல் நாடகங்களை எதையுமே பொருட்படுத்தாமல், முற்றிலும் மாறுபட்ட ஒரு மக்கள் நலப் பார்வைக் கோணத்தை முதலமைச்சர் விஜய் கையாண்டு வருகிறார். சாத்தியமே இல்லாத ஒரு வெற்று விவகாரத்தைக் கையில் எடுத்துக்கொண்டு நேரத்தை வீணடிப்பதில் எந்தப் பலனும் இல்லை என்பதை அவர் தெளிவாக உணர்ந்துள்ளார். கர்நாடகாவால் கட்டவே முடியாத ஒரு அணையை வைத்துத் தமிழ்நாட்டில் தேவையற்ற பீதியைக் கிளப்புவதும், உணர்ச்சி அரசியலை விதைப்பதும் முந்தைய ஆட்சியாளர்களின் பலவீனமான யுக்தி. அதனால்தான் விஜய் இந்த மேகதாது விவகாரத்தை ஒரு பொருட்டாகக் கூட மதிக்காமல், தேவையில்லாத சச்சியல்களில் சிக்கிக்கொள்ளாமல் ஒதுங்கி நிற்கிறார்.
வெற்று அறிக்கைகளையும், தேர்தல் கால ஏமாற்று வேலைகளையும் நம்பி ஏமாறும் காலத்தை மக்கள் கடந்து வந்துவிட்டனர். போலி அரசியல்வாதிகளின் மேகதாது நாடகங்களை விஜய் துளியும் கண்டுகொள்ளாமல் புறக்கணிப்பது, அவர்களின் மலிவான அரசியலுக்கு அவர் அளிக்கும் சரியான சாட்டையடியாகப் பார்க்கப்படுகிறது. தேவையற்ற பிரச்சினைகளைக் கிளப்பி அரசியல் செய்வதை விட, மக்களின் உண்மையான தேவைகளையும் உரிமைகளையும் செயல்வடிவத்தில் சாதித்துக் காட்டுவதே தனது இலக்கு என்பதில் விஜய் உறுதியாக இருக்கிறார். காலம் காலமாகத் தொடரும் இந்த அரசியல் ஏமாற்று வித்தைகளுக்குத் தற்போதைய புதிய அரசியல் அலை மூலமாக முழுமையான முடிவு கட்டப்படும் என்பது உறுதியாகிவிட்டது.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
