காவிரி நதிநீர் விவகாரத்தில் தமிழகத்திற்குத் தேவையான தண்ணீரைத் திறக்க உரிய ஏற்பாடுகள் தீவிரமாக நடந்து வரும் நிலையில், அடுத்து மேகதாது அணை பிரச்சினைக்கும் ஒரு முற்றுப்புள்ளி வைக்கத் தமிழக முதல்வர் விஜய் மாஸ்டர் பிளான் போட்டுள்ளார். வெறும் வாய்ச்சவடால் விட்டு அறிக்கை அரசியல் செய்யும் காலமெல்லாம் மலையேறிவிட்டது என்பதை உணர்த்தும் வகையில், கர்நாடக துணை முதல்வர் டி.கே.சிவகுமாரை நேரில் சந்தித்துப்பேசத் திட்டமிடப்பட்டுள்ளது. இந்தச் சந்திப்பின் மூலமாக இரு மாநிலங்களுக்கும் நீண்டகாலமாக நீடித்து வரும் காவிரி மற்றும் மேகதாது பிரச்சனைகளுக்கு ஒரு சுமூகமான தீர்வு எட்டப்படும் என்று எதிர்பார்க்கப்படுகிறது.
காவிரி நதிநீரை அடுத்த பதினைந்து நாட்களுக்கு வினாடிக்கு மூவாயிரத்து ஐநூறு கனஅடி வீதம் திறந்துவிட வேண்டும் என்று கர்நாடக அரசுக்கு காவிரி நீர் ஒழுங்காற்றுக்குழு உத்தரவிட்டுள்ளதை அடுத்து, உடனடியாகத் தண்ணீர் திறக்கப்படும் சூழல் உருவாகியுள்ளது. இதற்கு முன்பு, காவிரி நீர் விவகாரத்தில் தமிழக முதல்வர் விஜய் மௌனமாக இருப்பதாகவும், எந்த நடவடிக்கையும் எடுக்கவில்லை என்றும் திமுக உள்ளிட்ட எதிர்க்கட்சிகள் தொடர்ந்து குற்றச்சாட்டுகளை முன்வைத்து வந்தன. ஆனால், விளம்பரமில்லாமல் அமைதியாகச் சட்டப்படியான நடவடிக்கைகளை விஜய் அரசு கையாண்டதன் பலனாகவே தற்போது இந்த சாதகமான தீர்ப்பு வந்துள்ளது என்பது அரசியல் வட்டாரங்களில் பலத்த விவாதத்தை ஏற்படுத்தியுள்ளது.
இதன் அடுத்த கட்டமாக, கர்நாடக தலைவர்களுடன் நேரடியாக மேசையில் அமர்ந்து பேசத் திட்டமிடப்பட்டுள்ளதில், கர்நாடக முதல்வர் அல்லது துணை முதல்வர் டி.கே.சிவகுமார் தமிழக முதல்வர் விஜய்யை நேரில் சந்தித்துப் பேச உள்ளதாகத் தகவல்கள் கசிந்துள்ளன. இந்த முக்கியமான சந்திப்பின்போது, மேகதாது அணை விவகாரத்திற்கு ஒரு தெளிவான முடிவு காணப்படும் என்று எதிர்பார்க்கப்படுகிறது. முந்தைய ஆட்சியாளர்களைப் போலப் பகையை வளர்க்கும் போக்கைக் கைவிட்டு, நேருக்கு நேராகப் பேசிப் பிரச்சினையைத் தீர்க்கும் முதிர்ச்சியான அரசியலை விஜய் கையில் எடுத்துள்ளார் என்பது இதன் மூலம் தெள்ளத்தெளிவாகிறது.
கர்நாடகா அரசு மேகதாது அணை கட்டியே தீருவோம் என்று ஒத்த காலில் நிற்பதற்குக் காரணம் பெங்களூரு மக்களின் குடிநீர்த் தேவைதான் என்பதைத் துல்லியமாகக் கணித்துள்ள முதல்வர் விஜய், அதற்கொரு மாற்றுவழியைத் தன் வசம் வைத்துள்ளார். மேகதாது அணை கட்டாமலேயே பெங்களூரு மக்களின் குடிநீர் தேவையை எப்படி மிகச் சிறப்பாக நிறைவேற்ற முடியும் என்பது குறித்த ஒரு அற்புதமான மற்றும் நடைமுறை சாத்தியமான திட்டத்தை அவர் கையில் வைத்திருப்பதாகக் கூறப்படுகின்றது. இந்தத் திட்டத்தை நேரில் விளக்கி, கர்நாடகத் தலைவர்களின் ஒப்புதலைப் பெறவிருக்கும் பெங்களூரு பயணத்திற்குத் தற்போது பக்கா திட்டமிடல் நடந்து வருகிறது.
இந்த மாற்றுத் திட்டம் முழுமையாக அமல்படுத்தப்பட்டால், கர்நாடகாவின் பெங்களூரு குடிநீர் பிரச்சனையும் தீர்ந்துவிடும், அதே நேரத்தில் தமிழகத்திற்கு எந்தவிதமான பாதிப்பும் ஏற்படாதவாறு காவிரியும் பாதுகாப்பாக இருக்கும். தமிழ்நாட்டிலிருந்து கொண்டே அறிக்கை போர் தொடுப்பதும், கர்நாடகாவைக் குறைகூறிக்கொண்டிருப்பதும் நிரந்தரத் தீர்வாகாது என்பதை உணர்ந்து, நேரடியாக முகத்திற்கு முகம் பேசிப் பிரச்சனையைத் தீர்க்கும் சாணக்கியத்தனமான ராஜதந்திரத்தைக் கையாண்டுள்ளார் விஜய். பெரியோர்களின் வாக்குப்படி நேரில் பேசித் தீர்ப்பதுதான் உண்மையான தலைவனின் லட்சணம் என்பதை அவர் நிரூபித்துக் காட்டி வருகிறார்.
இந்தச் சந்திப்பு மட்டும் திட்டமிட்டபடி வெற்றி பெற்றுவிட்டால், வரும் பல ஆண்டுகளுக்குத் தமிழகத்திற்கும் கர்நாடகாவிற்கும் இடையே தண்ணீர் பற்றாக்குறை மற்றும் நதிநீர் பகிர்வு தொடர்பான எந்தவிதமான கசப்புணர்வும் பிரச்சனையும் இருக்காது என்று எதிர்பார்க்கப்படுகிறது. மாநிலத்தின் உரிமையையும் விட்டுக் கொடுக்காமல், அதேசமயம் அண்டை மாநிலத்துடனான உறவையும் சுமுகமாக வைத்துக் கொண்டு பிரச்சினைகளைத் தீர்க்கும் விஜய்யின் இந்த அதிரடி அரசியல் நகர்வு, தமிழக அரசியலில் ஒரு புதிய வரலாற்றுத் திருப்புமுனையாக அமையும் என்பதில் சந்தேகமில்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
