தமிழக சட்டமன்றத் தேர்தலில் காட்டிய அதிரடி வெற்றியின் தொடர்ச்சியாக, வரவிருக்கும் உள்ளாட்சி தேர்தலிலும் அதேவேகத்தைப் பிரதிபலிக்கத் தமிழக வெற்றிக் கழகம் வியூகம் வகுக்கத் தொடங்கியுள்ளது. சட்டமன்றத்தில் எதிரிகளைச் சாய்த்தது போல, உள்ளாட்சித் தேர்தலிலும் ஒரு மேயர் அல்லது ஒரு நகராட்சி தலைவர் பதவிகூட திமுகவுக்குச் சென்றுவிடக் கூடாது என்பதில் தளபதி விஜய் மிகத் தெளிவாக உள்ளார். இந்த முறையும் களத்தில் இறங்கி அடித்துத் தூள் கிளப்ப வேண்டும் என்று நிர்வாகிகளுக்கும் தொண்டர்களுக்கும் அவர் கட்டளையிட்டுள்ளார். தேர்தலைச் சந்திக்கும் முறையைக் குறிப்பிடுகையில், “சட்டமன்றத் தேர்தலில் கொத்து புரோட்டா போட்ட மாதிரி, உள்ளாட்சித் தேர்தலில் சூப் வச்சு செஞ்சுடனும்” என்று அவர் கொடுத்த அதிரடி உத்தரவு தொண்டர்கள் மத்தியில் பெரும் உற்சாகத்தை ஏற்படுத்தியுள்ளது.
இந்த இலக்கை அடைவதற்குச் சரியான மற்றும் தகுதியான வேட்பாளர்களைத் தேர்வு செய்வதில் கட்சித் தலைமை தீவிர கவனம் செலுத்தி வருகிறது. கடந்த காலங்களில் உள்ளாட்சி அமைப்புகளில் நடைபெற்ற ஊழல்களையும், சீரழிந்த நிர்வாகத்தையும் மக்களிடம் அம்பலப்படுத்த வேண்டும் என்றும், அதற்கு நேர்மையான மற்றும் மக்கள் சேவையாற்றக் கூடிய துடிப்பான முகங்களை மட்டுமே வேட்பாளர்களாக நிறுத்த வேண்டும் என்றும் விஜய் உத்தரவிட்டுள்ளார். எந்தப் பின்புலமும் இல்லாமல், மக்களின் உண்மையான பிரச்சினைகளுக்காகக் குரல் கொடுப்பவர்களுக்கே தேர்தலில் முன்னுரிமை வழங்கப்படும் என்பது குறிப்பிடத்தக்கது. உள்ளாட்சித் தேர்தலில் ஒவ்வொரு வார்டிலும் தவெகவின் கொடி பறக்க வேண்டும் என்றால், சரியான தேர்வே வெற்றிக்கான முதல் படி என்பதை விஜய் திட்டவட்டமாக உணர்த்தியுள்ளார்.
மக்களிடம் வாக்கு கேட்கும்போது எதைச் சொல்ல வேண்டும் என்பதிலும் தெளிவான வழிகாட்டுதல்கள் வழங்கப்பட்டுள்ளன. தவெக அரசு ஏற்கனவே நிறைவேற்றிய திட்டங்கள் மற்றும் மக்கள் நலச் சாதனைகளைத் துண்டுப் பிரசுரங்களாகவும் டிஜிட்டல் வடிவத்திலும் வீடு வீடாகக் கொண்டு சேர்க்க வேண்டும். குறிப்பாக, உள்ளாட்சியில் தவெக வெற்றி பெற்றால் செய்யவிருக்கும் அதிரடியான புதுமைகள் மற்றும் நவீன திட்டங்கள் குறித்து வாக்காளர்களுக்கு விளக்க வேண்டும். குடிநீர், சாலை, சுகாதாரம் போன்ற அடிப்படை வசதிகளில் புரட்சிகரமான மாற்றங்களை உருவாக்குவதுடன், ஊழலற்ற வெளிப்படையான உள்ளாட்சி நிர்வாகத்தை வழங்குவோம் என்ற நம்பிக்கையை மக்களிடம் விதைக்க வேண்டும் என்று அறிவுறுத்தப்பட்டுள்ளது.
இந்தத் தேர்தல் களத்தில் பிரசார வியூகங்களை முன்னெடுத்துச் செல்லும் முழுப் பொறுப்பையும் கட்சியின் விர்ச்சுவல் வாரியர்ஸிடம் முதல்வர் விஜய் ஒப்படைத்துள்ளார். சமூக வலைதளங்கள் வாயிலாகக் கட்சியின் சாதனைகளையும், எதிர்காலத் திட்டங்களையும், ஆளுங்கட்சியின் முறைகேடுகளையும் நொடியில் மக்களிடம் கொண்டு சேர்க்கும் டிஜிட்டல் படைப்பாளிகளுக்கு அவர் சிறப்புப் பொறுப்புகளை வழங்கியுள்ளார். எதிரிகளின் பொய் வாதங்களைத் தரைமட்டமாக்கவும், தவெகவின் கொள்கைகளை மூலைமுடுக்கெல்லாம் கொண்டு செல்லவும் இந்த டிஜிட்டல் வாரியர்கள் இரவு பகலாகக் களத்தில் இறங்கிச் செயலாற்றத் தயாராகி வருகின்றனர்.
இணையதளப் போராளிகளின் பலம் என்ன என்பதை ஏற்கனவே பல சந்தர்ப்பங்களில் நிரூபித்துள்ள தவெக, இந்த உள்ளாட்சித் தேர்தலில் அதைப் முழுமையாகப் பயன்படுத்தத் திட்டமிட்டுள்ளது. ஃபேஸ்புக், எக்ஸ், இன்ஸ்டாகிராம் மற்றும் வாட்ஸ்அப் என அனைத்து தளங்களிலும் கட்சியின் சாதனைகளும் எதிர்கால முழக்கங்களும் எதிரொலிக்க வேண்டும். மக்களை நேரில் சந்திக்கும் களப் பணியோடு, இணைய வழியிலும் பிரசாரத்தைத் தீயாகப் பரப்பி வாக்காளர்களை ஈர்க்க வேண்டும் என்பதே இந்த வியூகத்தின் முக்கிய நோக்கமாகும். இதன் மூலம் பாரம்பரிய அரசியல் கட்சிகளின் பொய் மூட்டைகளைத் தகர்த்து, இளைய தலைமுறையின் குரலை உள்ளாட்சி மன்றங்களிலும் ஒலிக்கச் செய்யத் தவெக படை தயாராகிவிட்டது.
ஆக மொத்தத்தில், உள்ளாட்சித் தேர்தல் என்பது வெறும் உள்ளாட்சித் தேர்தல் மட்டுமல்ல, அது தமிழக அரசியலில் தவெகவின் மேலும் பலப்படுத்தும் மற்றொரு மாபெரும் படியாகும். முதல்வர் விஜயின் இந்த அதிரடி உத்தரவுகளும், விர்ச்சுவல் வாரியர்களின் தீவிரமான களப்பணியும் தேர்தல் களத்தில் அனலைக் கிளப்பத் தொடங்கியுள்ளன. திமுகவின் கோட்டையாகக் கருதப்படும் இடங்களிலும் வெற்றிக் கொடியை நாட்டி, உள்ளாட்சி அமைப்புகளை முழுமையாகக் கைப்பற்றுவோம் என்ற லட்சியத்துடன் தவெக தொண்டர்கள் தற்போது களத்தில் இறங்கியுள்ளனர். சட்டமன்றத்தில் காட்டிய வீரம் உள்ளாட்சியிலும் எதிரொலிக்கும் என்பதில் எந்தவிதமான சந்தேகமும் இல்லை.
டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.
