ஜியோ நிறுவனம் சமீபத்தில் தீபாவளிக்காக சில சலுகைகளை தங்களது வாடிக்கையாளர்களுக்கு வழங்கிய நிலையில், தற்போது புத்தாண்டு நெருங்கி வருவதால் ஜியோ இன்டர்நெட் பைபர் வாடிக்கையாளர்களுக்கு புதிய சலுகையை அறிவித்துள்ளது. இதன் மூலம், ஜியோ ஏர் பைபர் சேவையின் கீழ் ரூ.2,222 மதிப்புள்ள திட்டத்தை ரீசார்ஜ் செய்தால் மூன்று மாத காலத்திற்கு இன்டர்நெட் கிடைக்கும் என்பது குறிப்பிடத்தக்கது.
மூன்று மாதங்கள் செல்லுபடியாகும் இந்த திட்டத்தின் படி, 30 எம்பிபிஎஸ் வேகத்தில் 1000 ஜிபி இன்டர்நெட் கிடைக்கும். மேலும், 101 ரூபாய் மதிப்புள்ள 100GB கூடுதலாக டேட்டாவும் கிடைக்கும் என்றும் அறிவிக்கப்பட்டுள்ளது. அன்லிமிடெட் வாய்ஸ் கால், 800-க்கும் டிவி சேனல்கள், 11 ஓடிடி தளங்கள் ஆகியவையும் இலவசமாக வழங்கப்படும்.
ஓடிடி தளங்களில் டிஸ்னி பிளஸ் ஹாட்ஸ்டார், சோனி லைவ், ஜீ5, ஜியோ சினிமா பிரீமியம், சன் நெக்ஸ்ட், ஹோய் சொய், டிஸ்கவரி பிளஸ், ஆல்ட் பாலாஜி, ஈரோஸ் நவ், லயன்ஸ் கேட் பிளே, ஷீமாரோ மீ, ஜியோ டிவி பிரீமியம் வழியாக இடிவி வின் போன்ற ஓடிடி தளங்கள் இலவசமாக கிடைக்கும் என்பதும் குறிப்பிடத்தக்கது. தனியாக டிஸ்னி பிளஸ் ஹாட்ஸ்டார் கனெக்சன் வாங்க வேண்டும் என்றால் ரூ1499 என்ற நிலையில் இந்த திட்டம் மிகவும் சலுகையானது.