சமீபத்தில் ரிலையன்ஸ் மற்றும் ஹாட்ஸ்டார் இணைப்பு நடந்த நிலையில், இதுவரை ஜியோ சினிமாவில் ஐபிஎல் போட்டிகள் இலவசமாக ஒளிபரப்பாகி வந்த நிலையில், இனி ஹாட்ஸ்டாரில் மட்டுமே ஒளிபரப்பாகும் என்று கூறப்பட்டிருப்பது ஐபிஎல் ரசிகர்களுக்கு அதிருப்தியை ஏற்படுத்தி இருப்பதாக கூறப்படுகிறது.
எந்த ஒரு போட்டியாக இருந்தாலும், ஜியோ சினிமாவில் இலவசமாக ஒளிபரப்பாகி வந்த நிலையில், ஹாட்ஸ்டார்-ரிலையன்ஸ் இணைப்பு காரணமாக இனி அனைத்து விதமான விளையாட்டு போட்டிகளும் ஹாட்ஸ்டாரில் மட்டுமே ஒளிபரப்பாகும், மேலும் ஜியோ சினிமாவில் இனி இலவசமாக ஒளிபரப்புமா என்ற சந்தேகம் ரசிகர்கள் மத்தியில் நிலவி வருகிறது. இருப்பினும் இதுகுறித்த அதிகாரபூர்வ அறிவிப்பு எதுவும் இன்னும் வெளியாகவில்லை.
ஹாட்ஸ்டாரில் விளையாட்டுக்கான தனிப்பட்ட ரசிகர் கூட்டம் இருப்பதால், இந்த இணைப்பு காரணமாக இனிமேல் முழுக்க முழுக்க ஹாட்ஸ்டார் மட்டுமே விளையாட்டு போட்டிகளை ஒளிபரப்ப ரிலையன்ஸ் நிறுவனம் முடிவு செய்திருப்பதாகவும், அதுமட்டுமின்றி சப்ஸ்கிரைபர்களை அதிகரிக்க இந்த திட்டம் உதவும் என்றும் கூறப்படுகிறது. எனவே இனி ஐபிஎல் விளையாட்டு போட்டியை பார்க்க வேண்டும் என்றால், ஹாட்ஸ்டார் சப்ஸ்கிரைப் இல்லாதவர்கள் கண்டிப்பாக சப்ஸ்கிரைப் செய்ய வேண்டிய நிலை ஏற்பட்டுள்ளது.