நடிகர் தனுஷ் இயக்கி நடிக்கும் 52-வது படத்திற்கு இட்லி கடை என்று பெயரிடப்பட்டுள்ளது. துள்ளுவதோ இளமை படத்தின் மூலம் தமிழ்த் திரையுலகில் அறிமுகமான நடிகர் தனுஷ் தொடர்ச்சியாக பல வெற்றிப் படங்களைக் கொடுத்து இன்று இந்திய சினிமாவின் முன்னனி நடிகராக விளங்கி வருகிறார். ஆரம்பத்தில் கமர்ஷியல் ரூட்டில் பயணித்த தனுஷ் வெற்றிமாறனுடன் இணைந்த பிறகு கமர்ஷியல் மற்றும் டாக்குமெண்டரி பார்முலாவில் இறங்கி அடிக்கிறார்.
ஆடுகளம், வடசென்னை, அசுரன், கர்ணன், கேப்டன் மில்லர் என வித்தியாசமான கதைக் களங்களைத் தேர்ந்தெடுத்து நடித்து வருகிறார். மேலும் தன்னுடைய 50-வது படமான ராயன் படத்தினையும் இயக்கி நடித்து அதனையும் சூப்பர் ஹிட் படமாகக் கொடுத்தார். இந்நிலையில் தற்போது தனுஷ் தன்னுடைய அடுத்த படத்திற்கான அப்டேட்டை வெளியிட்டுள்ளார்.
அயோத்தி அப்துல் மாலிக்… சசிக்குமார் ஏன் இந்தப் பெயர் வச்சாரு தெரியுமா?
தற்போது அவரின் 51-வது படமான நிலவுக்கு என்மேல் என்னடி கோபம் என்ற படத்தினை இயக்கி நடித்துள்ள தனுஷ். 52-வது படமாக இட்லி கடை என்ற படத்தினை இயக்கி நடிக்கிறார். இதில் தனுஷுடன் ராஜ்கிரண், சத்யராஜ், அருண்விஜய், நித்யாமேனன் உள்ளிட்ட பலர் நடிக்கின்றனர். ஏற்கனவே ராயன் படத்தின் மூலம் கமர்ஷியல் ஹிட் கொடுத்து இயக்குநராகவும் தன்னை நிலைநிறுத்திய தனுஷ், நிலவுக்கு என்மேல் என்னடி கோபம் என்ற காதல் கதையை மையமாக வைத்து அடுத்த படத்தினை இயக்கியிருக்கிறார்.
தற்போது இட்லி கடை படத்தின் பர்ஸ்ட்லுக் போஸ்டர் வெளியாகி இருக்கிறது. படத்தின் ஷுட்டிங் அனைத்தும் தேனி சுற்றுவட்டாரப் பகுதிகளில் நடைபெறுகிறது. படத்திற்கு ஜி.வி.பிரகாஷ்குமார் இசையமைக்கிறார். படத்தினை டான் பிக்சர்ஸ் மற்றும் தனுஷின் வொண்டர்பார் நிறுவனம் ஆகியவை இணைந்து தயாரிக்கிறது. இது தனுஷ் இயக்கி நடிக்கும் நான்காவது திரைப்படமாகும்.