இந்திய அணியில் இன்று எத்தனை சீனியர் வீரர்கள் இருக்கிறார்களோ அதற்கு நிகராக நிறைய துடிப்பான இளம் வீரர்களும் இந்திய அணியில் இடம்பிடித்து ஆடி வருகின்றனர். டி20 போட்டிகள் என இல்லாமல், டெஸ்ட் மற்றும் ஒரு நாள் போட்டிகளிலும் சில இளம் வீரர்கள் பட்டையைக் கிளப்பி வரும் நிலையில், அதில் மிக முக்கியமான வீரராக இருப்பவர் தான் யஷஸ்வி ஜெய்ஸ்வால்.
மிகவும் ஏழ்மையான குடும்பத்தில் இருந்து வந்த ஜெய்ஸ்வால், U 19 உலக கோப்பை போட்டியில் தன்னை நிரூபித்து ஐபிஎல் தொடர் மற்றும் முதல் தர போட்டிகள் பலவற்றிலும் ஆடி வருகிறார். இதன் பின்னர் மெல்ல மெல்ல இந்திய அணியிலும் இடம் பிடித்து ஆடிவரும் ஜெய்ஸ்வால், அவர்கள் ஆடும் அனைத்து இருதரப்பு தொடரிலும் அல்லது ஐசிஐசி தொடர்களிலும் இடம்பிடித்து வருகிறார்.
மிகக் குறுகிய காலத்தில் தொடக்க வீரராக முக்கியமான இடத்தை பிடித்த ஜெய்ஸ்வால், டெஸ்ட் போட்டிகளிலும் கூட அதிரடியான ஆட்டத்தை தான் வெளிப்படுத்தி வருகிறார். எப்படிப்பட்ட ஆபத்தான பந்து வீச்சாளராக இருந்தாலும் அதனை மிக எளிதாக கையாண்டு ரன் சேர்க்கும் ஜெய்ஸ்வால், பல நேரம் முன்னாள் தொடக்க வீரர் சேவாக்கையும் நினைவுபடுத்தி வருகிறார்.
அவரைப் போலவே முதல் ஓவரில் இருந்து பவுண்டரிகளை அடித்து ரன் சேர்க்க நினைக்கும் ஜெய்ஸ்வால், இலங்கை அணிக்கு எதிரான தொடரிலும் கூட இதுவரை நடந்த இரண்டு போட்டிகளில் சிறப்பான ஓப்பனிங் பேட்டிங்கை வெளிப்படுத்தி இருந்தார். ஆரம்ப ஓவர்களில் அதிரடி காட்டி எதிரணி பந்து வீச்சாளர்களுக்கு நெருக்கடி கொடுப்பது தான் ஜெய்ஸ்வாலின் வேலையாக உள்ளது.
தற்போது டெஸ்ட், டி20 மற்றும் ஒருநாள் என மூன்று வடிவிலான கிரிக்கெட் போட்டிகளிலும் அரிதான இளம் வீரர்கள் தான் இந்திய அணியில் இடம்பிடித்து ஆடி வருகின்றனர். அதில் ஜெய்ஸ்வாலும் முக்கியமான வீரராக இருக்கும் சூழலில் பயிற்சியாளர் கம்பீரின் வருகைக்குப் பின்னரும் நல்ல இடத்தை பிடிப்பார் என்றும் எதிர்பார்க்கப்படுகிறது.
அப்படி ஒரு சூழலில் தான் இந்த ஆண்டில் முதல் பேட்ஸ்மேனாக ஜெய்ஸ்வால் படைத்துள்ள சாதனை தற்போது பலரையும் மிரண்டு பார்க்க வைத்துள்ளது. 2024 ஆம் ஆண்டில் இதுவரை நடந்து முடிந்துள்ள சர்வதேச கிரிக்கெட் போட்டிகளின் அடிப்படையில் 1,000 ரன்களை அடித்த முதல் வீரர் என்ற சிறப்பை யஷஸ்வி ஜெய்ஸ்வால் பெற்றுள்ளார்.
ரோஹித், கோலி, ஜோ ரூட், பென் ஸ்டோக்ஸ், கேன் வில்லியம்சன் என பல பிரபலமான வீரர்கள் இருந்த போதிலும் அவர்களையெல்லாம் தாண்டி இப்படி ஒரு சாதனையை ஜெய்ஸ்வால் செய்துள்ள நிலையில் ரசிகர்கள் மற்றும் கிரிக்கெட் பிரபலங்கள் பலரும் இவரை பாராட்டியும் வருகின்றனர்.