உருளைக்கிழங்கு என்பது குழந்தைகள் முதல் பெரியவர்கள் வரை விரும்பி உண்ணும் ஒரு உணவாகும். உருளைக்கிழங்கை பலவிதமாக சமைக்க முடியும். அதில் ஒன்றுதான் மதுரை ஸ்டைல் உருளைக்கிழங்கு மசியல். இதை எப்புடி செய்வது என பார்க்கலாம்.
தேவையான பொருட்கள்:-
உருளைக்கிழங்கு – 3 (வேக வைத்து தோலுரித்தது)
எண்ணெய் – 1/4 கப்
கடுகு – 1 டீஸ்பூன்
உளுத்தம் பருப்பு – 1 டீஸ்பூன்
சோம்பு – 1 டீஸ்பூன்
வரமிளகாய் – 2
கறிவேப்பிலை – சிறிது
பூண்டு – 6 பற்கள்
வெங்காயம் – 1 (நறுக்கியது)
மிளகாய் தூள் – 1 டேபிள் ஸ்பூன்
கரம் மசாலா – 1 டீஸ்பூன்
உப்பு – தேவையான அளவு
கடலை மாவு – 2 டேபிள் ஸ்பூன்
கொத்தமல்லி – சிறிது
செய்முறை:-
முதலில் ஒரு சமையல் பாத்திரத்தை அடுப்பில் வைத்து, அதில் எண்ணெய் ஊற்றி, எண்ணெய் காய்ந்ததும், கடுகு, உளுத்தம் பருப்பு, சோம்பு, மிளகாய், கறிவேப்பிலை சேர்த்து நன்கு தாளித்து எடுத்து கொள்ளவும்.
பின்னர் அதில் சிறிதளவு பூண்டு சேர்த்து 1 நிமிடம் வதக்கி, பின் வெங்காயத்தை போட்டு 5 நிமிடம் பொன்னிறமாக வதக்க வேண்டும்.
பின்பு உருளைக்கிழங்கை நன்கு வேக வைத்து அதை எடுத்து நன்கு மசித்து தனியாக எடுத்துக்கொள்ள வேண்டும்.
அந்த கூட்டுடன் உருளைக்கிழங்கை மசித்து சேர்த்து, அத்துடன் உப்பு, மிளகாய் தூள் சேர்த்து கிளறி, கரம் மசாலா சேர்த்து 5 நிமிடம் பிரட்டி விட வேண்டும் மிளகாய் தூள் வாசனை போகும்வரை கிளர வேண்டும்.
பிறகு அத்துடன் கடலை மாவு சேர்த்து 5 முதல் 8 நிமிடம் நன்கு பிரட்டி, கொத்தமல்லி தூவி இறக்கினால், ருசியான மதுரை ஸ்டைல் உருளைக்கிழங்கு மசியல் ரெடி!!
