அஜீத் ரேஸிங் யூனிட்டில் இடம்பெற்ற அந்த முத்திரை.. முதல் ஆளாக வாழ்த்துச் சொன்ன துணை முதல்வர் ஸ்டாலின்

நடிகர் அஜீத் தற்போது திரைப்படங்களில் நடிப்பதைக் காட்டிலும் கார் ரேஸிங், பைக் பயணம் என அதில் பிஸியாகி விட்டார். ஒன்றரை வருடங்களுக்கு ஒருமுறை மட்டுமே அவர் படம் வெளியாகிறது. மேலும் கடந்த பொங்கலன்று கடைசியாக துணிவு வெளியானது. இந்த வருடம் எந்தப் படமும் வெளியாகவில்லை. விடாமுயற்சியின் டப்பிங் பணிகள் இப்போதுதான் துவங்கப்பட்டுள்ளது. மேலும் குட் பேட் அக்லி திரைப்படத்திலும் நடித்து வருகிறார். இப்படி அஜீத், விஜய் உள்ளிட்ட முன்னனி கதாநாயகர்கள் அடுத்த இலக்கினை நோக்கிச் சென்று விட்டனர்.

உதயநிதி ஸ்டாலினும் மாமன்னன் படத்திற்குப் பிறகு அமைச்சரானதால் எந்தப் படத்திலும் ஒப்புக் கொள்ளவில்லை. தற்போது துணை முதல்வராகவும் பதவியேற்றிருப்பதால் இனி அரசியல் பக்கமே அவரது பயணம் இருக்கும். இந்நிலையில் அஜீத் துபாயில் நடைபெற உள்ள GT3 கோப்பைக்கான கார் பந்தயப் போட்டிகளில் பங்கேற்க உள்ளார். இதற்கான பயிற்சியில் தற்போது அஜீத் மும்முரமாக ஈடுபட்டு வருகிறார். இதனைத் தொடர்ந்து துணை முதல்வர் உதயநிதி ஸ்டாலின் அவருக்கு வாழ்த்துக் கூறியுள்ளார். இதுகுறித்து தனது எக்ஸ் சமூக வலைதளப்பக்கத்தில் உதயநிதி வெளியிட்டுள்ள பதிவில்,

உலக அளவில் சிறப்புக்குரிய 24H Dubai 2025 & The European 24H Series Championship – Porsche 992 GT3 Cup Class கார் பந்தயத்தில் பங்கேற்கவுள்ள நடிகரும், நண்பருமான திரு.அஜித்குமார் சார் அவர்களுக்கு எங்களுடைய மனமார்ந்த வாழ்த்துகளைத் தெரிவித்துக் கொள்கிறோம்.

நம்முடைய (SDAT) Logo-வை ‘அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தப்பட்டுள்ளதை அறிந்து மட்டற்ற மகிழ்ச்சி அடைந்தோம்.

இதனாலாதான் நான் மும்பைக்குக் குடிபோனேன்.. புட்டு புட்டு வைத்த சூர்யா..

இதன்மூலம், தமிழ்நாடு விளையாட்டு மேம்பாட்டுத்துறையை உலக அரங்கில் பெருமைப்படுத்தி, ஊக்குவித்துள்ள அஜித் சாருக்கு தமிழ்நாடு விளையாட்டு மேம்பாட்டு ஆணையத்தின் சார்பாக எங்களது நன்றியைத் தெரிவித்துக்கொள்கிறோம்.

மேலும், மாண்புமிகு முதலமைச்சர் செயல்படுத்தி வரும் பல்வேறு மக்கள் நலத்திட்டங்கள் – #Formula4 Chennai Racing Street Circuit போன்ற முன்னெடுப்புகளை வாழ்த்திய அஜித் சாருக்கு எங்கள் அன்பும், நன்றியும்.

விளையாட்டுத்துறையில் தமிழ்நாட்டை உலக அரங்கில் உயர்த்திட ஒன்றிணைந்து செயல்படுவோம். கார்பந்தய போட்டியில் வென்று தமிழ்நாட்டுக்கு நீங்கள் பெருமை சேர்த்திட வாழ்த்துகள் அஜித் சார்.”

இவ்வாறு துணை முதலமைச்சர் உதயநிதி ஸ்டாலின் பதிவிட்டுள்ளார்.

அண்மையில் நடிகர் விஜய்க்கும் உதயநிதி வாழ்த்து தெரிவித்திருந்தது குறிப்பிடத்தக்கது.