இந்த உலகம் முழுவதும் தற்போது நாம் தெரிந்த பல விஷயங்களால் நிரம்பி இருந்தாலும் இன்னொரு பக்கம் நிறைய மர்மங்களும் கூட மண்ணுக்கு அடியில் புதைந்து தான் இருக்கிறது. பல ஆயிரம் ஆண்டுகளுக்கு முன்பு இந்த பூமியில் வாழ்ந்த மக்கள், இங்கே விட்டு சென்ற நிறைய பொருட்கள் அவ்வப்போது ஆராய்ச்சியின் முடிவில் தெரிய வந்து வியப்பையும் ஏற்படுத்தி வருகிறது.
தாஅமிழகத்தில் கூட கீழடியில் நடைபெற்று வரும் அகழ்வாராய்ச்சியில் தமிழர்கள் பல ஆயிரம் ஆண்டுகளுக்கு முன்பு பயன்படுத்தி வந்த பொருட்கள், அவர்களின் வாழ்க்கை முறை குறித்த நிறைய விஷயங்கள் தெரிய வந்து பலரையும் வியப்பில் ஆழ்த்தி இருந்தது.
இப்படி தமிழகத்தின் கீழடியை போல மற்ற பல நாடுகளிலும் கூட நிறைய அகழ்வாராய்ச்சிகள் நடைபெற்று வருவதுடன் அதில் கிடைக்கும் பொருட்கள் ஆயிரக்கணக்கான ஆண்டுகளுக்கு முன் மனிதர்கள் இங்கே வாழ்ந்திருப்பார்கள் என்பது தொடர்பாக பல விஷயங்களை அறிந்து கொள்வதற்கும் வழிவகை செய்கிறது.
இப்படி ஆராய்ச்சியளர்கள் ஒரு பக்கம், பழங்கால வாழ்க்கை முறையை தெரிந்து கொள்வதற்காக நிறைய இடங்களில் பணிகள் மேற்கொண்டு வரும் சூழலில் இன்னொரு பக்கம், மர்மமான விஷயங்களை தேடி Treasure Hunt என்ற பெயரில் நிறைய பொது மக்களும் கூட ஏதாவது சாகசங்களில் ஈடுபட்டு வருகிறார்கள்.
அந்த வகையில், சமீபத்தில் ஒரு நபர் புதையல் ஒன்றை தேடும் பொருட்டு, பாறை ஒன்றை குடைந்து அறுத்து எடுக்க, அதற்குள் இருந்த விஷயம் தான் இணையவாசிகள் மத்தியில் பரபரப்பை ஏற்படுத்தி உள்ளது. இந்த உலகில் பல இடங்களில் இருக்கும் பாறைகளுக்கு சுமார் ஆயிரக்கணக்கான ஆண்டுகள் வரலாறு இருக்கலாம். மனிதர்கள் தோன்றிய போதே மலைகளும் இங்கே தோன்றியதால் அதற்குள்ளும் நிறைய மர்மங்கள் ஒளிந்து கிடக்கலாம்.
அப்படித்தான் வாலிபர் ஒருவர், பாறையின் ஒரு பகுதியை மெதுவாக உடைத்து எடுக்க, அதனை வட்டமாகவும் அறுத்து எடுக்கிறார். உடனடியாக, அந்த கல் துண்டு விலகியதும் நமது கை செல்லும் அளவுக்கு ஒரு சிறிய துவாரமும் உள்ளது. இதில் அந்த நபர் கை போட்டு பார்க்க, அங்கே சில தங்க நாணயங்கள் இருப்பது போன்று தெரிந்ததும் அந்த வீடியோவும் முடிவுக்கு வருகிறது.
பலரும் இது பற்றி வியப்பாக தெரிவித்து வந்தாலும், எப்படி அந்த பாறையில் தான் வட்டமாக ஒரு ஓட்டை இருக்கும் என்பதை தெரிந்து கொண்டு அந்த நபர் அதனை உடைக்கிறார் என கேள்வி எழுப்பி உள்ளனர். அப்படி என்றால், அந்த தங்க நாணயங்களை அந்த நபரே அதற்குள் வைத்து விட்டு பின்னர் புதையல் போல நம்பி வீடியோ வைரல் ஆகும் நோக்கில் இப்படி பித்தலாட்டத்தில் ஈடுபட்டாரா என்றும் கூட பலர் கேள்வி எழுப்பி வருகின்றனர்.
இதனால், அந்த வீடியோ போலியாக கூட இருக்கலாம் என்றும், அவை நிஜத்தில் தங்க நாணயங்கள் இல்லை என்றும் தெரிவித்து வருகின்றனர். இந்த வீடியோ எந்த நாட்டில் பதிவு செய்யப்பட்டது என்பதில் உறுதியான தகவல்கள் இல்லை என்பதால் இது உண்மையா பொய்யா என்பதில் ஒரு முடிவுக்கு வருவதிலும் சிக்கல் உள்ளது குறிப்பிடத்தக்கது.