டிஎன்பிஎஸ்சி குரூப் 1 தேர்வுக்கு விண்ணப்பிக்க இன்றே கடைசி நாளாக தெரிவிக்கப்பட்டுள்ளது.
கொரோனா பரவல் காரணமாக கடந்த இரண்டு ஆண்டுகளாக தமிழகத்தில் டிஎன்பிஎஸ்சி தேர்வுகள் அறிவிக்கப்படாமல் இருந்தது. தற்போது தொற்று பரவல் குறைந்து இருப்பதால் டிஎன்பிஎஸ்சி தேர்வாணையம் குரூப்-1 தேர்வு குறித்து அறிவிப்பு ஒன்றை வெளியிட்டுள்ளது.
அதன் படி, துணை ஆட்சியர், டிஎஸ்பி, வேலைவாய்ப்பு பதிவு அதிகாரி உள்ளிட்ட பதவிகளுக்கு 92 இடங்களை நிரப்ப அக்டோபர் 30-ம் தேதி முதனிலைத் தேர்வு நடைபெற உள்ளது.
இந்நிலையில் டிஎன்பிஎஸ்சி குரூப் 1 தேர்வுக்கு விண்ணப்பிக்க கால அவகாசம் இன்று இரவு 11:59 மணிக்கு முடிவடைகிறது. இதனிடையே வருகின்ற 27-ம் தேதி நள்ளிரவு முதல் 29-ம் தேதி நள்ளிரவு வரையில் விண்ணப்பங்களில் திருத்தம் செய்துகொள்ளலாம் என கூறப்பட்டுள்ளது.
மொத்தமுள்ள 92 இடங்களுக்கு இதுவரையில் மூன்று லட்சத்திற்கும் அதிகமானோர் விண்ணப்பித்துள்ளதாக கூறப்படுகிறது. மேலும் விண்ணப்ப கட்டணமாக ரூ.100 செலுத்தி டிஎன்பிஎஸ்சி இணையதள பக்கத்தில் சென்று விண்ணப்பிக்கலாம் என கூறப்பட்டுள்லது.
