Connect with us

Breastfeeding: தாய்ப்பால் புகட்டும் தாய்மார்கள் கவனத்திற்கு… இந்த 5 விஷயங்களை கட்டாயம் தெரிஞ்சிக்கோங்க!

Breast feeding

வாழ்க்கை முறை

Breastfeeding: தாய்ப்பால் புகட்டும் தாய்மார்கள் கவனத்திற்கு… இந்த 5 விஷயங்களை கட்டாயம் தெரிஞ்சிக்கோங்க!

Breastfeeding: தாய்ப்பால் புகட்டும் தாய்மார்கள் கவனத்திற்கு… இந்த 5 விஷயங்களை கட்டாயம் தெரிஞ்சிக்கோங்க!

எந்தவொரு புதிய தாய்க்கும், தாய்ப்பால் கொடுப்பது ஒரு கடினமான பணியாக இருக்கலாம். தங்கள் குழந்தைகளுக்கு வெற்றிகரமாக தாய்ப்பால் புகட்டுவது தொடர்பான சந்தேகங்கள் அவர்களை எப்போதும் திணறடிக்கச் செய்யும். சிறு குழந்தைக்கு உணவளிப்பது ஒரு இயற்கையான செயலாகத் தோன்றினாலும், அது எல்லா தாய்மார்களுக்கும் குழந்தைகளுக்கும் இயல்பாக வருவதில்லை. இருப்பினும், தாய்ப்பாலின் அடிப்படைகள் பற்றிய அறிவு அவர்களை விரைவாக சரிசெய்ய உதவும். ஒவ்வொரு தாயும் தங்கள் குழந்தைக்கு தாய் பால் புகட்டுவது பற்றி தெரிந்து கொள்ள வேண்டிய ஐந்து விஷயங்கள் இங்கே.

1. பரிந்துரைகளை பரிசீலிக்காதீர்கள்:

உங்களைச் சுற்றியுள்ளவர்கள் சரியான முறையில் தாய்ப்பால் கொடுப்பதற்கான நுட்பங்களைப் பரிந்துரைத்திருக்கலாம், ஆனால் உங்கள் குழந்தைக்கு உணவளிக்கத் தொடங்கும் போது அவற்றை கடுமையாகப் பயன்படுத்த முயற்சிக்காதீர்கள். திறந்த மனதுடன் இருப்பது மற்றும் உங்களுக்கும் உங்கள் குழந்தைக்கும் எது சிறப்பாகச் செயல்படுகிறது என்பதைப் பார்ப்பது அவசியம். பிறது பரிந்துரைகளை மட்டும் நம்பாமல், தாய்ப்பால் கொடுக்கும் செயல்முறையைப் பற்றி மேலும் புரிந்து கொள்ள புத்தகங்கள் மற்றும் கட்டுரைகளைப் படிப்பது நல்லது.

2. ஆரோக்கியமான உணவுமுறை அவசியம்:

முதல் ஆறு மாதங்களுக்கு குழந்தைகளுக்கு பிரத்தியேகமாக தாய்ப்பால் கொடுக்கப்படுகிறது. தாய்ப்பால் அவர்களுக்கு அனைத்து ஊட்டச்சத்துக்களையும் வழங்குகிறது மற்றும் நோய் எதிர்ப்பு சக்தியை உருவாக்க உதவுகிறது. அதற்கு, நீங்கள் நன்றாக சாப்பிட வேண்டும் மற்றும் நீரேற்றமாக இருக்க வேண்டும். நீங்கள் எதைச் சாப்பிடுகிறீர்களோ, அது உங்கள் பால் வடிவில் உங்கள் குழந்தைக்குக் கொடுக்கப்படும். உங்கள் உணவில் ஊட்டச்சத்துக்கள் குறைவாகவும், நீர்ச்சத்து குறைவாகவும் இருந்தால், உங்கள் உடல்நலம் பாதிக்கப்படுவது மட்டுமல்லாமல், உங்கள் குழந்தையின் ஆரோக்கியத்திலும் சிக்கலை உருவாக்கலாம்.

3. தாய்ப்பால் கொடுக்கும் போது குழந்தையை பிடிப்பது எப்படி?

உங்கள் குழந்தைக்கு வெற்றிகரமாக தாய்ப்பால் புகட்ட, வசதியான நிலையில் அமர்ந்திருப்பது அவசியம். உங்கள் குழந்தையை எவ்வாறு சரியாகப் பிடிக்க வேண்டும் என்பதைக் கற்றுக்கொள்வது அவசியம். தொட்டில் பிடி, கிராஸ்ஓவர் ஹோல்ட், ஃபுட்பால் ஹோல்ட் மற்றும் பக்கவாட்டு நிலை போன்ற நிலைகளை முயற்சிக்கலாம். தாய்ப்பால் கொடுக்கும் போது சரியான நிலையில் குழந்தையை பிடித்திருப்பது, அதற்கு பால் சென்று சேர உதவுவதோடு, பாலூட்டும் அம்மாக்கள் அடிக்கடி அனுபவிக்கும் முலைக்காம்பு வலியை தடுக்கிறது.

4.தைரியமான மனநிலை அவசியம்:

நீங்கள் தாய்ப்பால் கொடுப்பதில் சிரமப்படுகிறீர்கள் மற்றும் அடிக்கடி கவலைப்படுகிறீர்கள் என்றால், ஓய்வெடுக்க முயற்சி செய்யுங்கள். ஓய்வெடுக்க உங்களுக்குப் பிடித்த இசை அல்லது ரேடியோ நிகழ்ச்சிகளை கேட்பது சிறந்த அனுபவத்தை கொடுக்கும்.

5. கடுமையாக நடந்து கொள்ளாதீர்கள்:

குழந்தை கவனிப்பு , பால் புகட்டுதல் போன்ற விஷயங்களில் உங்களை நீங்களே கடுமையாக நடத்திக்கொள்ளாதீர்கள். என்னதான் திட்டமிட்டாலும் சில விஷயங்களில் எதிர்பார்க்காத மாற்றங்கள் நடக்கத்தான் செய்யும் . எனவே மனநிலை விரக்தியாக மாறும் போது, குழந்தையை பார்த்துக்கொள்ளவும், உங்களுக்கான நேரத்தை செலவிடவும் உதவிகளை கேட்டுப் பெறுங்கள். நண்பர்களைச் சந்திக்க வெளியே செல்லுங்கள், நீண்ட நேரம் குளியுங்கள் அல்லது உங்களுக்குப் பிடித்த படம் அல்லது இடத்தை கண்டு ரசியுங்கள். இதனால் மன அழுத்தம் குறைந்து நலம் பெறலாம்.

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.
Continue Reading

More in வாழ்க்கை முறை

To Top