தென்னிந்திய திரையுலகில் ஏராளமான நடிகைகள் நடித்து வருகின்றனர், ஆனால் அவர்களில் சிலர் மட்டும் தான் ரசிகர்களின் மத்தியில் நீங்கா இடம் பிடித்து முன்னணி இடத்தில் இருந்து வருகின்றனர். தொடர்ந்து வெற்றி படங்களை கொடுத்து வரும் இந்த முன்னணி நடிகைகள் பல்வேறு காரணங்களுக்காக தங்கள் நடிப்பு வாழ்க்கையில் இருந்து ஒரு சிறிய இடைவெளி எடுத்து வருகின்றனர், மேலும் அவர்களில் பெரும்பாலோர் மீண்டும் களமிறங்கி படங்களில் நடித்து வருகின்றனர்.
அந்த வகையில் இடைவேளையில் இருந்து வெளியே வந்து முக்கிய வேடங்களில் நடித்த நடிகைகளின் பட்டியல் இதோ..
சிம்ரன்
நடிகை சிம்ரன் விஜய், அஜித், கமல் என பல முன்னணி ஹீரோக்களுடன் இணைந்து நடித்து பிரபலமடைந்துள்ளார் . இவர் தமிழை தொடர்ந்து மலையாளம், தெலுங்கு ,கன்னடம் என பல மொழிப் படங்களில் கலக்கியுள்ளார். இவர் 2009 இல் தனது 75வது படத்திற்குப் பிறகு, நடிப்பில் இருந்து ஓய்வு எடுத்தது குறிப்பிடத்தக்கது.
அதன் பின் சில படங்களில் நடித்தாலும் ரஜினிகாந்துடன் இணைந்து ‘பேட்ட’ படத்தில் முக்கிய கதாபாத்திரத்தில் மீண்டும் நடித்தார். இந்த திரைப்படம் மிகப்பெரிய வெற்றியைப் பெற்றது, மேலும் இது நடிகைக்கு மீண்டும் தமிழ் திரையுலகில் தனக்கென ஒரு பெயரை உருவாக்க மற்றொரு வாய்ப்பைக் கொடுத்தது. அதன்பின் ‘அந்தகன்’, ‘மஹான்’, துருவ நட்சத்திரம் ஆகிய படங்களில் நடித்து வருகிறார்.
ஜோதிகா
நடிகை ஜோதிகா, நடிகர் சூர்யா இருவரும் காதலித்து வந்த நிலையில் செப்டம்பர் 11, 2006 அன்று திருமணம் செய்து கொண்டார்.திருமணத்திற்குப் பிறகு, ஜோதிகா நடிப்பிலிருந்து நீண்ட இடைவெளி எடுத்தார். பின்னர் அவர் தமிழ் திரைப்படமான ’36 வயதினிலே’ மூலம் மீண்டும் வந்தார், இந்த படம் பிளாக் பஸ்டர் ஹிட் ஆனது.
பின்னர் ஜோதிகா பெண்களை மையமாகக் கொண்ட படங்களை எடுத்து நடிக்கத் தொடங்கினார். இப்போது, ஜோதிகா பாலிவுட்டில் ‘ஸ்ரீ’ படத்தின் மூலம் மீண்டும் வருகிறார், மேலும் மலையாளத்தில் மம்முட்டியுடன் இணைந்து ‘காதல் தி கோர்’ என்ற படத்திலும் இணைந்து நடிக்கிறார்.
காஜல் அகர்வால்
காஜல் அகர்வால், கடந்த 2022 ஆண்டு வெளியான ‘ஏய் சினாமிகா படத்திற்கு பிறகு, தனது மகனான நீல் கிட்சலுவைப் பெற்றெடுத்ததால், சினிமா துறையில் இருந்து சிறிது காலம் ஓய்வு பெற்றார். காஜல் இப்போது கமல்ஹாசனுடன் இணைந்து ‘இந்தியன் 2’ படத்திற்கான படப்பிடிப்பை முடித்துள்ளார். அடுத்தடுத்து பல படங்களில் நடிக்க தயாராகி வருகிறார்.
கத்ரீனா கைஃப், விஜய் சேதுபதி இணைந்து நடித்த படத்தின் ரிலீஸ் குறித்த கலக்கல் அப்டேட்!
நயன்தாரா
நடிகை நயன்தாராவும் இயக்குனர் விக்னேஷ் சிவனும் காதலித்து கடந்த ஆண்டு திருமணம் செய்து கொண்டனர். கடந்த அக்டோபர் 2022 இல் நயன்தாரா தாயான பிறகு தனது நடிப்பு வாழ்க்கையில் இருந்து ஒரு சிறிய இடைவெளி எடுத்தார். வாடகைத் தாய் மூலமாக, நயன்தாரா இரட்டை மகன்களுக்கு தாயானார், மேலும் அந்த குழந்தைகளுடன் நேரத்தை செலவிடுவதற்காக நடிப்பிலிருந்து ஓய்வு எடுத்தார்.
இப்போது, அவர் தனது பாலிவுட் அறிமுகமான ‘ஜவான்’ மூலம் மீண்டும் பெரிய திரைகளில் கலக்க உள்ளார். அடுத்தடுத்து பல படங்களில் பிடியாக கமிட் ஆகி வருகிறார்.
