தமிழ் சினிமாவில் 70 ஆண்டுகளாக பல்வேறு ஜாம்பவான்கள் எடுக்க முயற்சித்த பொன்னியின் செல்வன் திரைப்படம், தற்போது மணிரத்னம் மூலம் சாத்தியமாகி உள்ளது. தமிழ் சினிமாவின் கனவு திரைப்படமான பொன்னியின் செல்வன் இன்று தமிழ், தெலுங்கு, இந்தி, கன்னடம், மலையாளம் என 5 மொழிகளில் பான் இந்தியா படமாக ரிலீஸ் ஆகி உள்ளது. 

பொன்னியின் செல்வன் படத்தில் ஆதித்த கரிகாலனாக சியான் விக்ரமும், அருண்மொழி வர்மனாக ஜெயம் ரவியும், வந்தியத்தேவனாக கார்த்தியும், குந்தவையாக திரிஷாவும், நந்தினியாக ஐஸ்வர்யா ராயும் நடித்துள்ளனர். கல்கி எழுதிய பொன்னியின் செல்வன் நாவலை மையமாக வைத்து இப்படத்தை எடுத்துள்ளார் மணிரத்னம்.