ஆபிரிக்கா மற்றும் தென் அமெரிக்காவில் மஞ்சள் காய்ச்சல் வேகம் அதிகமாக இருப்பதால், இந்தியாவில் இருந்து அந்த நாடுகளுக்கு பயணிப்பவர்களும், அந்த நாடுகளில் இருந்து இந்தியா வருபவர்களும் தடுப்பூசி போடுவது கட்டாயமாக்கப்பட்டுள்ளது.
மஞ்சள் காய்ச்சல் தடுப்பூசியைப் போடப்பட்ட பத்து நாட்களுக்குப் பிறகு இந்த நாடுகளுக்குச் செல்ல மக்கள் அனுமதிக்கப்படுகிறார்கள் மற்றும் விமான நிலையங்களில் சான்றிதழ்கள் கண்காணிக்கப்படுகின்றன.
தமிழகத்தில் உள்ள 50 இடங்களில், 3 இடங்களில் மட்டும் இந்த தடுப்பூசி போடப்படுகிறது.
கிண்டியில் உள்ள கிங் இன்ஸ்டிடியூட் ஆஃப் ப்ரிவென்டிவ் மெடிசின் அண்ட் ரிசர்ச் என்ற சர்வதேச தடுப்பூசி மையத்தில் அனைத்து செவ்வாய்க் கிழமைகளிலும் காலை 10 மணி முதல் 12 மணி வரை தடுப்பூசிகள் வழங்கப்படுவதாக பொது சுகாதாரம் மற்றும் தடுப்பு மருத்துவ இயக்குனர் தெரிவித்துள்ளார். செவ்வாய் மற்றும் வெள்ளிக்கிழமைகளில் காலை 9.30 மணி முதல் 10 மணி வரை ivcatking@gmail.com அல்லது www.kipmr.org.in அல்லது நேரில் பதிவு செய்யலாம்.
திங்கள் மற்றும் புதன்கிழமைகளில் சென்னையில் உள்ள துறைமுக சுகாதார நிறுவனத்தில் காலை 09.30 முதல் மதியம் 12.30 மணி வரையிலும், தூத்துக்குடியில் உள்ள துறைமுக சுகாதார நிறுவனத்தில் செவ்வாய்க்கிழமை காலை 11 மணி முதல் மதியம் 1 மணி வரையிலும் தடுப்பூசிகள் போடப்படுகிறது .
கும்மிடிப்பூண்டியில் புதிய தொழிற்சாலை! பெண்களுக்கு தான் முதல் வாய்ப்பு!
மேலும் பதிவு செய்ய quarantinechennai@yahoo.com அல்லது pho.chn-mohfw@gov.in அல்லது நேரில் சென்னைக்கு காலை 8 மணி முதல் 9 மணி வரையிலும், தூத்துக்குடிக்கு photuticorin@gmail.com என்ற மின்னஞ்சல் முகவரியிலும் பதிவு செய்யலாம். செவ்வாய்கிழமை காலை 10 மணி முதல் 1 மணி வரை நேரடி பதிவு செய்யலாம்.
