Connect with us

டிஎன்பிஎஸ்சி தேர்வில் திருக்குறள் நீக்கம்…..? தேர்வர்கள் அதிர்ச்சி…!

TNPSC OFFICE

News

டிஎன்பிஎஸ்சி தேர்வில் திருக்குறள் நீக்கம்…..? தேர்வர்கள் அதிர்ச்சி…!

டிஎன்பிஎஸ்சி தேர்வில் திருக்குறள் நீக்கம்…..? தேர்வர்கள் அதிர்ச்சி…!

டிஎன்பிஎஸ்சி பாடத்திட்டம் கூடிய விரைவில் இணையதளத்தில் வெளியிடப்படும் என்று அறிவிக்கப்பட்டிருந்தது. அதன்படி டிஎன்பிஎஸ்சி தேர்வுகளுக்கான புதிய பாடத்திட்டம் நேற்றைய முன்தினம் இணையதளத்தில் வெளியிடப்பட்டது.

அதில் குரூப்-2, குரூப்-1, குரூப்-4 உள்ளிட்ட பலவகையான தேர்வுகளில் என்னென்ன பாடதிட்டங்கள் இடம்பெறும் என தெரிவிக்கப்பட்டிருந்தது. மேலும், இந்த தேர்வுகளுக்கான மாதிரி கேள்விகளும் வெளியிடப்பட்டன. இதில், ஏற்கனவே அமல்படுத்தப்பட்டிருந்த திருக்குறள் பாடத்திட்ட பகுதி முழுவதுமாக நீக்கப்பட்டுள்ளது.

இதற்குமுன் 2019 ஆம் ஆண்டு வெளியிடப்பட்ட பாடத்திட்டத்தில் திருக்குறள் பாடத்திட்டம் இடம்பெற்றிருந்தது. அதிகாரிகள் நிலையிலான போட்டித் தேர்வுகளான குரூப் 2, குரூப் 2ஏ மெயின் தேர்வின்போது திருக்குறளுக்கு முக்கியத்துவம் அளிக்கப்பட்டிருந்தது.

தினசரி வாழ்வில் திருக்குறள் பயன்பாடு, மனித இனத்தில் திருக்குறள் ஏற்படுத்திய தாக்கம், சமூக பொருளாதார அரசியலில் திருக்குறளின் பங்கு என 6 தலைப்புகளில் திருக்குறள் சார்ந்த பகுதிகள் அறிமுகம் செய்யப்பட்டிருந்தது.

ஆனால் தற்போது வெளியிடப்பட்ட பாடத்திட்டத்தில் திருக்குறள் நீக்கப்பட்டுள்ளது. 2019க்கு முன்பு இருந்த பாடத்திட்டம் மீண்டும் இடம்பெற்றிருப்பதாக துறைசார்ந்த பயிற்சியாளர்கள் தெரிவித்துள்ளனர். திருக்குறள் புறக்கணிக்கப்பட்டிருப்பது தமிழ் ஆர்வலர்கள் மற்றும் தேர்வர்கள் இடையே அதிர்ச்சியை ஏற்படுத்தி உள்ளது.

Continue Reading
Click to comment

Leave a Reply

Your email address will not be published. Required fields are marked *

To Top