தமிழக அரசால் நடத்தப்படும் கல்வி தொலைக்காட்சி ஒரே மாதிரியான ஒளிபரப்பில் இருந்து விலகி, விளையாட்டு, பாட்டு, நடனம் உள்ளிட்ட பாடநெறிக்கு அப்பாற்பட்ட நிகழ்ச்சிகளை விரைவில் அறிமுகப்படுத்த உள்ளது.
வழக்கமான நிகழ்ச்சிகளில் கூடுதலாக, கலை, கதைசொல்லல், வரைதல், கையெழுத்து, பள்ளிகளில் சிறந்த நடைமுறைகள் மற்றும் அறிவியல் சோதனைகள் தவிர கண்காட்சிகள் மற்றும் புத்தக கண்காட்சிகள் ஆகியவை மாணவர்களை மகிழ்விக்க சேனலில் ஒளிபரப்பப்படும்.
தற்போது, கல்வி தொலைக்காட்சி 1-12 வகுப்புகளில் அனைத்து பாடங்களிலும் 24×7 கல்வி உள்ளடக்கத்தைக் காட்டுகிறது. அதன்படி தமிழ்நாடு அரசு கேபிள் மூலம் வகுப்பு மற்றும் பாடம் வாரியாக வீடியோக்கள் ஒளிபரப்பு செய்யப்பட்டுள்ளது.
இதுகுறித்து பள்ளிக் கல்வித் துறையின் மூத்த அதிகாரி கூறிவது: அனைத்து வகுப்பு மாணவர்களுக்கும் தேவையான பாடப் பொருள்கள் மட்டுமின்றி செயல்பாடுகளுக்கும் புதிய திட்டங்களை உருவாக்குவது மாநில கல்வி ஆராய்ச்சி மற்றும் பயிற்சி கவுன்சிலிடம் (SCERT) ஒப்படைக்கப்பட்டுள்ளது.
“எஸ்சிஇஆர்டி அதிகாரிகள் தவிர, பல்வேறு துறைகளைச் சேர்ந்த நிபுணர்களும் தற்போதைய சூழ்நிலைக்கு பொருத்தமான வீடியோ உள்ளடக்கத்தை தயாரிப்பதில் ஈடுபடுவார்கள். ஒளிபரப்ப வேண்டிய நிகழ்ச்சிகளை உருவாக்க விரிவான அறிக்கை தயாரிக்கப்படும்,” என அவர் விளக்கினார்.
கலை, கதைசொல்லல், வரைதல், கையெழுத்து, பாடல், நடனம் மற்றும் விளையாட்டு தொடர்பான வீடியோ உள்ளடக்கத்தை ஒளிபரப்புவதைத் தவிர, தேசிய திறன் தேடல் தேர்வு (NTSE), தமிழ்நாடு கிராமப்புற மாணவர்களின் திறமைத் தேடல் போன்ற பல்வேறு போட்டித் தேர்வுகளில் பங்கேற்கும் மாணவர்களுக்கான வழிகாட்டுதல் உள்ளடக்கத்தையும் SCRET உருவாக்கும்.
பள்ளிகள் திறக்கப்படுவதற்கு முன்பே புதிய திட்டங்கள் வரும் கல்வியாண்டில் அறிமுகப்படுத்தப்படும் என்று கூறிய அவர், “எல்லா உள்ளடக்கமும் குறுகியதாக இருக்கும், குறிப்பாக தொடக்க மற்றும் நடுத்தர அளவிலான குழந்தைகள் புரிந்துகொள் எளிதாகவும் அமையும்.
விஜய்யின் அரசியல் வாழ்க்கை குறித்த மீண்டும் சலசலப்பு!
திட்டத்தைத் தயாரிக்கும் போது, தமிழக பாரம்பரிய விளையாட்டு மற்றும் கலைகளை மேம்படுத்துவதற்கு முன்னுரிமை அளிக்கப்படும். நேரடி ஒளிபரப்பு செய்யப்படும் வினாடி வினா நிகழ்ச்சிகளில் பங்கேற்க அரசு பள்ளி மாணவர்களுக்கு வாய்ப்பு அளிக்கப்படும்.
இல்லம் தேடி கல்வி நிகழ்ச்சிக்காக 350க்கும் மேற்பட்ட வீடியோக்களை படமாக்கும் பணியை கல்வி தொலைக்காட்சி மேற்கொண்டுள்ளது. “என்னும் எழுத்து திட்டத்துக்கான 200க்கும் மேற்பட்ட வீடியோக்கள் உட்பட, மற்ற அரசு துறைகளுக்கான வீடியோக்களை தயாரிக்கும் பணியை மேற்கொண்டுள்ளனர்.” என குறிப்பிட்டுள்ளார்.
