பொதுவாக வேர்க்கலையை ஏழைகளின் பாதாம் என அழைப்பார்கள், பாதாம் பருப்பில் இருக்கும் அனைத்து சத்துக்களும் இந்த வேர்க்கடலையிலும் உள்ளது. இப்போது இந்த சுவையான வேர்க்கடலை பக்கோடா ரெசிபி நம்ம வீட்டில் செய்து பார்க்கலாமா..
தேவையான பொருட்கள்:
பொட்டுக்கடலை மாவு – ஒரு கப்,
அரிசி மாவு – கால் கப்,
வறுத்த வேர்க்கடலை – 50 கிராம்,
பெரிய வெங்காயம் – 2,
இஞ்சி ,பூண்டு விழுது – ஒரு தேக்கரண்டி ,
பெருஞ்சீரகம்- மிளகு பொடி – அரை தேக்கரண்டி ,
கொத்தமல்லித் தழை – சிறிதளவு,
எண்ணெய் மற்றும் உப்பு – தேவையான அளவு.
செய்முறை:
முதலில் வேர்க்கடலையை மிக்ஸியில் பரபரவென பொடித்து கொள்ளவும் . மிளகு, பெருஞ்சீரகத்தை எண்ணெய் இல்லாமல் சிறிது வறுத்துப் பொடிக்கவும்.
பின்பு வாணலியில் எண்ணெய் விட்டு வெங்காயம், இஞ்சி – பூண்டு விழுது சேர்த்து வதக்கி கொள்ளவும் பச்சை வாசனை சென்றதும் , மல்லித்தழை சேர்த்து கலந்து வைக்கவும்.
பொட்டுக்கடலை மாவு, அரிசி மாவு, பொடித்த வேர்க்கடலை, மிளகு – பெருஞ்சீரகம் பொடி, வதக்கிய கலவை, தேவையான உப்பு ஆகியவற்றை ஒன்றாகக் கலந்து, நீர் தெளித்து பிசைந்து வைக்கவும். தண்ணீர் அதிகமாக தேய்க்க கூடாது.
குழந்தைகளுக்கு மிகவும் சத்தான கேரட் வைத்து மஞ்சூரியன் ரெஸிபி!
வாணிலயில் எண்ணெயை சூடாக்கியதும் , பிசைந்த மாவை சிறிது சிறிதாக்க போட்டுப் பொரித்தெடுக்கவும்.
இப்போது சுவையான வேர்க்கடலை பக்கோடா ரெடி…
