நீட் எழுதிய அரியலூர் மாணவி தூக்கில் தொங்கி தற்கொலை!

 
suicide 1280

தமிழகம் உள்பட இந்தியா முழுவதும் கடந்த ஞாயிறு அன்று நீட்தேர்வு நடைபெற்ற நிலையில் நீட்தேர்வு எழுவதற்கு முன்னரே சேலம் மாவட்டத்தை சேர்ந்த தனுஷ் என்ற மாணவர் அச்சம் காரணமாக தூக்கில் தொங்கி தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. 

இந்த நிலையில் தற்போது நீட் தேர்வை எழுதி வந்த மாணவி ஒருவர் தற்கொலை செய்து கொண்டது பெரும் அதிர்ச்சியை ஏற்படுத்தியுள்ளது. அரியலூர் மாவட்டத்தைச் சேர்ந்த கனிமொழி என்ற மாணவி நேற்று முன்தினம் நீட் தேர்வு எழுதியதில் இருந்தே மிகவும் சோகமாக இருந்ததாக தெரிகிறது. 

நீட் தேர்வில் தனக்கு மிகவும் குறைவான மதிப்பெண்கள் கிடைக்கும் என்றும் தனது டாக்டர் கனவு நிறைவேறாது என்றும் மாணவி கனிமொழி சோகத்தில் இருந்ததாகவும் இதனை அடுத்து திடீரென அவர் தூக்கில் தொங்கி தற்கொலை செய்து கொண்டதாகவும் கூறப்படுகிறது.
 
கனிமொழி தற்கொலை செய்தியை அறிந்த அவரது பெற்றோர் கதறி அழுத காட்சி காண்போரை கண்ணீர் வரவழைக்கும் படி இருந்தது என்பது குறிப்பிடத்தக்கது. இந்த நிலையில் இது குறித்து காவல்துறையினர் வழக்குப் பதிவு செய்து விசாரணை செய்து வருகின்றனர்.

From around the web