குழந்தைகளுக்கு நோய் எதிர்ப்பு சக்தியை அதிகரிக்கும் புதினா சாதம்! ரெசிப்பி இதோ!

உடலில் நோய் எதிர்ப்பு சக்தியை அதிகரிக்க , வயிறு சம்பந்தமான கோளாறுகளை சரி செய்ய புதினா மிகவும் நல்லது. அதை வைத்து நாம் சாதம் , சட்னி என செய்து சாப்பிடலாம்.

தேவையான பொருட்கள்:
சாதம் – 2 கப்
புதினா – 1 கப்
பச்சை மிளகாய் – 3
இஞ்சி – 1 துண்டு
கடுகு, உளுந்து – 1 தேக்கரண்டி
பட்டை – 1
சோம்பு – 1 தேக்கரண்டி
சீரகம் – 1 தேக்கரண்டி
நிலக்கடலை – 1 தேக்கரண்டி
முந்திரி – 10 எண்ணிக்கை
மஞ்சள் பொடி – 1 தேக்கரண்டி
நெய் – சிறிதளவு
உப்பு – சுவைக்கு ஏற்ப
எண்ணெய் – தேவையான அளவு

செய்முறை:

முதலில் புதினா இலைகளை கழுவி சுத்தம் செய்து அதனுடன் பச்சை மிளகாய் & இஞ்சி சேர்த்து மையாக அரைத்து எடுத்து கொள்ளவும்.

கடாயில் எண்ணெய் ஊற்றி கடுகு, உளுந்து, பட்டை, சோம்பு, சீரகம் சேர்த்து பொரிந்து வந்தவுடன் முந்திரி & நிலக்கடலையை ஒன்றாகச் சேர்த்து வதக்கவும்.

அனைத்து பொருட்களும் நன்றாக வதங்கியதும் அரைத்து வைத்த புதினா கலவை, உப்பு, மஞ்சள் பொடி சேர்த்து 1/2 டம்ளர் தண்ணீர் ஊற்றி நன்றாக கொதிக்க வைக்கவும்.

நாகர்கோவில் ஸ்பெஷல் கத்திரிக்காய் கூட்டாஞ்சோறு- சுட்ட அப்பளம்.. இனி நம்ம வீட்டுலயும் செய்து சாப்பிடலாமா!

சிறிது நேரம் கழித்து இறக்கி வைத்து சாதத்துடன் கலந்து நெய் சேர்த்து பரிமாறலாம்.

இந்தப் புதினா சாதம் பள்ளி குழந்தைக்கு மதிய உணவாகவும் கொடுத்து விடலாம்.

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.