கல்கி எழுதிய நாவலை மிகப் பிரமாண்ட பட்ஜெட்டில் வரலாற்றுப் படமாக உருவாக்க வேண்டும் என இயக்குனர் மணிரத்தினத்தின் கனவாக இருந்து வந்தது.
அந்த வகையில் பொன்னியின் செல்வன் படமானது கடந்த மாதம் 30-தேதி மிகுந்த எதிர்பார்ப்புடன் வெளியானது. இந்த படத்தில் விக்ரம், கார்த்தி, விக்ரம் பிரபு, சரத்குமார், ஜெயம் ரவி,பார்த்திபன், ஐஸ்வர்யாராய் மற்றும் திரிஷா ஆகியோர் முக்கிய கதாப்பாத்திரத்தில் நடித்துள்ளனர்.
அதே போல் டாக்கீஸ் மற்றும் லைகா ப்ரொடக்ஷன்ஸ் இணைந்து தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். திரைக்கு வந்து கிட்டத்தட்ட 2 வாரங்களுக்கு மேல் ஆன நிலையில் படத்தின் வசூல் குறித்த அப்டேட் ஒன்று இணையத்தில் வெளியாகியுள்ளது.
அந்த வகையில் லைகா ப்ரொடக்ஷன்ஸ் நிறுவனம் பொன்னியின் செல்வம் படமானது இதுவரையில் ரூ.400 கோடிக்கு மேல் வசூல் சாதனையை படைத்துள்ளதாக தெரிவித்துள்ளது.
மேலும், தீபாவளி வரும் வரையில் எந்த படங்களும் வெளியாகாமல் இருப்பதால் வரும் காலங்களில் ரூ.500 கோடியை தாண்டும் என சினிமா வட்டாரங்களில் தகவல் தெரிவிக்கின்றனர்.
