Connect with us

கள்ளக்குறிச்சி கலவரம்: 4 பேருக்கு குண்டாஸ் மாவட்ட ஆட்சியர் அதிரடி…!!

kallakurichi school

செய்திகள்

கள்ளக்குறிச்சி கலவரம்: 4 பேருக்கு குண்டாஸ் மாவட்ட ஆட்சியர் அதிரடி…!!

கனியாமூர் பள்ளி கலவரத்தில் மாடுகளை திருடியதாகவும், காவல்துறை வாகனத்திற்கு தீ வைத்ததாகவும் கைது செய்யப்பட்ட நான்கு பேரை குண்டர் தடுப்பு சட்டத்தில் சிறையில் அடைக்க மாவட்ட ஆட்சியர் ஷர்வன்குமார் உத்தரவு

கள்ளக்குறிச்சி மாவட்டம் கனியாமூர் சக்தி மெட்ரிகுலேஷன் மேல்நிலைப் பள்ளியில் கடந்த ஜூலை 13ஆம் தேதி பள்ளி மாணவி ஸ்ரீமதி மர்மமான முறையில் உயிரிழந்த சம்பவத்தை தொடர்ந்து ஜூலை 17ஆம் தேதி பள்ளி மாணவி ஸ்ரீமதியின் மரணத்திற்கு நீதி கேட்டு நடைபெற்ற போராட்டம் கலவரமாக மாறியது.

இந்த நிலையில் இந்த கலவரத்தில் ஈடுபட்டதாக இதுவரை 360 பேர் இதுவரை கைது செய்யப்பட்டுள்ள நிலையில் கலவரத்தின் போது மாட்டின் உரிமையாளருக்கு கொலை மிரட்டல் விடுத்து மாடுகளை திருடி சென்றதாகவும் மற்றும் காவல்துறை வாகனத்திற்கு தீ வைத்ததாகவும் கைது செய்யப்பட்ட சின்னசேலம் பகுதியைச் சேர்ந்த பூவரசன், புதுபல்லகச்சேரி கிராமத்தைச் சேர்ந்த பரமேஸ்வரன், கள்ளக்குறிச்சி பகுதியைச் சேர்ந்த வசந்தன் மற்றும் கடலூர் மாவட்டம் சிறுகிராமம் பகுதியைச் சேர்ந்த சஞ்சீவி ஆகிய நான்கு பேரை ஓராண்டு குண்டர் தடுப்புச் சட்டத்தில் சிறையில் அடைக்க மாவட்ட ஆட்சியர் ஷர்வன் குமார் உத்தரவிட்டுள்ளார்.

கனியாமூர் பள்ளி கலவரத்தில் வீடியோ மற்றும் சிசிடிவி காட்சிகளை ஆதாரமாகக் கொண்டு சிறப்பு புலனாய்வு பிரிவு போலீசார் கைது நடவடிக்கையை அதிரடியாக மேற்கொண்டு வரும் சூழ்நிலையில் கலவரத்தின் போது மாடுகளை திருடியதாகவும், காவல்துறை வாகனத்திற்கு தீ வைத்ததாகவும் கைது செய்யப்பட்ட நான்கு பேரை குண்டர் தடுப்பு சட்டத்தில் சிறையில் அடைக்க ஆட்சியர் ஷர்வன்குமார் உத்தரவிட்டுள்ளார் என்பது குறிப்பிடத்தக்கது

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.
Continue Reading

More in செய்திகள்

To Top