வெறித்தனமாக இசையமைத்த இளையராஜா.. ஏ.ஆர்.ரஹ்மானுக்கு ஒன்று.. இளையராஜாவுக்கு 35!

இசைஞானி இளையராஜா 1100 படங்களுக்கு மேல் இசையமைத்து கின்னஸ் சாதனைப் புத்தகத்தல் இடம்பெற்றிருக்கிறார். இது அவரது சாதனையில் ஒரு சிறு துளிதான். ஆனால் இசைத்துறைக்கு அவர் செய்த சாதனைகள் ஏராளம். எண்ணற்ற பாடகர்களை அறிமுகப்படுத்தியும், பல இசைக்கலைஞர்களுக்கு வாழ்க்கை கொடுத்தும் எல்லாவற்றையும் விட நவரசங்களுக்கும் இசையால் அழகு சேர்த்து அதை ரசிகர்களிடம் கொண்டு சேர்த்து இசைக் கடவுளாகவே விளங்கி வருகிறார்.

எவ்வளவு மொக்கைப் படமாக இருந்தாலும் தனது இசை மந்திரத்தால் அப்படத்திற்கு வெற்றியைக் கொடுப்பதில் இசைஞானி கைதேர்ந்தவர். 1980, 90களின் மத்தில் இசை ராஜ்ஜியமே நடத்தியவர். 90களில் ராஜா கொடுத்தது இசை ராஜ விருந்து. அத்தனை வெரைட்டியான இசை!

1993-ல் இளையராஜா இசையமைத்த தமிழ்ப் படங்களின் எண்ணிக்கை மட்டும் 35க்கும் மேல். தெலுங்கு, மலையாளம், மராத்தி, இந்தியில் அவர் இசையமைத்ததையும் சேர்த்தால் மொத்தம் 73. ஒரு தனி இசையமைப்பாளர் யாரும் செய்திராத உலக சாதனை. யாராலும் கற்பனை செய்து கூடப் பார்க்க முடியாதது.

ஜெயலலிதாவே வியந்து பாராட்டிய ‘பிச்சாதிபதி‘.. மிமிக்ரியில் மிரள வைக்கும் படவா கோபி..

இத்தனைக்கும் எந்தப் படத்தின் இசை, பாடல்களாக இருந்தாலும் அவற்றை தன் நேரடி மேற்பார்வையில் செய்பவர் அவர். அவர் அனுமதியின்றி ஒரு சின்ன சப்தம் கூட இடம்பெறாது, எந்த பின்னணி இசை அல்லது பாடலிலும். 1993-ல் வெளியான படங்கள், பாடல்கள் லிஸ்டைப் பார்த்தால் இசைஞானி எவ்வளவு வெரைட்டியான இசையைக் கொடுத்திருக்கிறார் என்பது புரியும்.

எஜமானில் ஆரம்பித்து ஆத்மா, கோயில் காளை, அரண்மனைக் கிளி, மறுபடியும், கிளிப்பேச்சு கேட்கவா, பொன்னுமணி, வள்ளி, ராக்காயி கோயில், உழைப்பாளி, வால்டர் வெற்றிவேல், சின்ன மாப்ளே, சின்ன ஜமீன், ஏழை ஜாதி, காத்திருக்க நேரமில்லை, சின்னக் கண்ணம்மா, மணிக்குயில், ஐ லவ் இந்தியா, உள்ளே வெளியே, கலைஞன்,சக்கரை தேவன்,உத்தம ராசா… இன்னும் பல படங்கள். இவற்றில் எத்தனை ஹிட் பாடல்கள் என்று நாம் சொல்லவே தேவையில்லை.

அதேபோல்தான் 1992-ம் ஆண்டு. இந்த வருடமும் ஹிட்டடித்த இளையராஜா ஆல்பங்கள் வண்ண வண்ண பூக்கள், மன்னன், செந்தமிழ்ப் பாட்டு, செம்பருத்தி, சின்னவர், பாண்டியன், திருமதி பழனிச்சாமி, தங்க மனசுக்காரன், சின்னத்தாயி, சிங்கார வேலன், சின்னப் பசங்க நாங்க, இன்னிசை மழை, உன்னை வாழ்த்திப் பாடுகிறேன், சின்னக் கவுண்டர், பரதன், ஆவாரம் பூ, தேவர் மகன், நாடோடி பாட்டுக்காரன், நாடோடித் தென்றல், உன்ன நெனச்சேன் பாட்டுப் படிச்சேன், மீரா, தெய்வ வாக்கு…. இன்னும் பல சொல்லிக் கொண்டே போகலாம். இந்த வருடம் தான் இசைப்புயல் ஏ.ஆர்.ரஹ்மானும் ரோஜா மூலம் வாசம் வீசத் தொடங்கினார்.

ஒரே வருடத்தில் 73 படங்கள் . அத்தனைக்கும் பின்னணி இசை என்பதெல்லாம் நினைத்து கூட பார்க்க முடியாது. இத்தனையையும் அவர் எப்படி தனது மூளையில் பதிவு செய்து மொழி வேறுபாடின்றி ஒவ்வொரு படத்திற்கும் தனித்தனியாக இசையமைத்தார் என்பது இசைக் கடவுளுக்கு மட்டுமே அமைந்த பாக்கியம்.

புத்தம் புதிய சுவாரசியமான செய்திகளுக்கு கூகுள் நியூஸில் பின்தொடருங்கள்:

GNews

இதையும் பாருங்கள்...