கடந்த 2009-ம் ஆண்டு உலகம் முழுவதும் வெளியாகி ரசிகர்கள் மத்தியில் நல்ல வரவேற்ப்பை பெற்றிருப்பது அவதார் என்றே கூறலாம். கற்பனை உலகமாக உருவாக்கப்பட்ட இப்படத்தினை ஜேம்ஸ் கேமரூன் இயக்கியுள்ளார்.
ரசிகர்கள் மத்தியில் நல்ல வரவேற்பை பெற்ற நிலையில் 3 ஆஸ்கர் விருதுகளை தட்டிச்சென்றுள்ளது. இதன் வெற்றியை கொண்டாடும் விதத்தில் விரைவில் அவதார் 2 வரும் என இயக்குநர் அறிவித்திருந்தார்.
அதன் ஒரு பகுதியாக சுமார் 2 ஆயிரம் கோடி ரூபாய் செலவில் ‘அவதார் தி வே ஆப் வாட்டர்’ என்ற பெயரில் இப்படம் மீண்டும் உருவாகி 160 மொழிகளில் அவதார் 2 நேற்றைய தினம் வெளியாகியது.
இதற்கிடையில் அவதார் படத்தின் வசூல் குறித்த தகவல் வெளியாகியுள்ளது. அதன் படி, தமிழகத்தை பொறுத்தவரையில் 4.5 முதல் 5 கோடி வரையில் வசூலித்துள்ளாம். அதே போல் ஆந்திரா மற்றும் தெலங்கானா ஆகிய மாநிலங்களில் சுமார் 10 கோடிக்கு மேல் வசூலாகி இருப்பதாக தெரிவித்துள்ளனர்.
இதனையடுத்து உலகம் முழுவதும் 90 மில்லியன் டாலருக்கு மேல் வசூல் சாதனை படைத்துள்ளதாக தெரிவிக்கப்படுகிறது. இருப்பினும் தியேட்டரில் திரையிடுவதற்கு முன்பே இணையத்தில் வெளியாகியதால் வசூல் பாதிக்கப்படும் என சினிமா வட்டாரங்களில் கூறப்படுகிறது.