மலைபோல் சரிந்த தங்கம் விலை: குஷியில் இல்லத்தரசிகள்!!

கடந்த சில நாட்களாகவே அத்தியாவசிய பொருட்களின் விலை உயர்ந்து வருகிறது. குறிப்பாக பெட்ரோல், டீசல் விலையினை தொடர்ந்து தங்கத்தின் விலையும் தாறுமாறாக உயர்ந்து வருகிறது. இந்நிலையில் இன்றைய தினத்திலும் தங்கத்தின் விலை தாறுமாறாக குறைந்துள்ளது.

இதனிடையே இன்று 22 கேரட் ஆபரணத் தங்கம் ஒரு கிராம் 4, 672 ரூபாய்க்கு விற்பனை செய்யப்படுகிறது. நேற்று மாலை இதன் விலை ரூ. 4,740 ஆக இருந்தது. இன்று தங்கத்தின் விலை கிராமுக்கு ரூ. 68 குறைந்து சவரனுக்கு ரூ. 37,376-க்கு விற்பனையாகிறது.

அதே போல் தூயத்தங்கத்தின் விலையும் குறைந்துள்ளது. நேற்று மாலை இதன் விலை ரூ. 5, 171- ஆக இருந்தது. தற்போது கிராமுக்கு 74 ரூபாய் குறைந்து ஒரு கிராம் 5,097 -ஆகவும் பவுனுக்கு ரூ. 40,776 ஆக விற்பனையாகிறது.

தங்கத்தின் விலை குறைந்துள்ள நிலையில் வெள்ளியின் விலை மாற்றமின்றி காணப்படுகிறது. அந்த வகையில் இன்று ஒரு கிராம் 62.40 காசுகளாகவும் ஒரு கிலோ 62.400 ஆயிரமாக விற்பனை செய்யப்படுவது குறிப்பிடத்தக்கது.