“அதுக்கெல்லாம் ஒரு தகுதி தராதரம் வேணும்”… ஓபிஎஸைக் கிழித்தெடுத்த சிவி சண்முகம்!

அதிமுகவிற்கு கரும்புள்ளியாக உள்ள ஓ. பன்னீர்செல்வம் இரட்டை இலை பற்றியும் ஜெயலலிதா, எம்ஜிஆரை பற்றி பேச எந்த தகுதியும் இல்லை என சிவி சண்முகம் தெரிவித்துள்ளார்.

விழுப்புரத்தில் உள்ள மாவட்ட அதிமுக அலுவலகத்தில் சிவி சண்முகம் 51 வது அதிமுக தொடக்கவிழாவினை முன்னிட்டு கட்சி அலுவலகத்தில் கட்சி கொடியினை ஏற்றி வைத்த பின் முன்னாள் அமைச்சர் சி.வி. சண்முகம் செய்தியாளர்களுக்கு அளித்த பேட்டியில், அதிமுகவில் சட்டதிட்டங்களை மாற்றலாமா மாற்றகூடாதா அப்படி மாற்றினால் எம் ஜி ஆரின் ஆன்மா மன்னிக்காது எனக்கூற ஓ. பன்னீர்செல்வத்துக்கு தகுதி தராதரம் இல்லை என சகட்டுமேனிக்கு சாடினார்.

தொடர்ந்து பேசியவர், ஜெயலலிதாவின் மறைவிற்கு பிறகு பதவி ஆசையாலும், வெறியாலும் தனக்கு முதலமைச்சர் பதவி இல்லை என்ற போது அதிமுக இயக்கத்தை முடக்கிய பன்னீர்செல்வத்துக்கு அருகதை கிடையாது. சாதாரன அடிப்படை தொண்டனுக்கு உள்ள உரிமை கூட ஓ. பன்னீர்செல்வத்துக்கு இல்லை. பாராசக்தியின் உடைய வசனத்தை மனப்பாடம் செய்து ஸ்டாலின் புகழை புகழ்ந்து பாடிக்கொண்டிருக்கும் ஓ பன்னீர்செல்வத்தின் மகன் ரவிந்தீரன் ஸ்டாலினை நேரில் சந்தித்து திமுக ஆட்சி சிறப்பாக உள்ளதாக கூறும் இருவருக்கும் அதிமுக பற்றி கூற தகுதியில்லை என தெரிவித்தார்.

எம்.ஜி.ஆரால் கொண்டுவரப்பட்ட சட்டவிதியை தன்னுடைய பதவி ஆசை சுயலாபத்திற்காக பொதுச்செயலாளர் பதவியை ரத்து செய்து கட்சியிலையே இல்லாத ஒருங்கினைப்பாளர், இணை ஒருங்கினைப்பாளர் பதவியை கொண்டு வந்தவர் ஓ. பன்னீர் செல்வம். சுய லாபத்திற்காக அதிமுக சின்னத்தை முடக்கிய அவரை எம்ஜிஆரின் ஆன்மாவும், ஜெயலலிதாவின் ஆன்மாவும்  என்றும் மன்னிக்காது என்றார்.

இன்றைக்கு அதிமுகவின் கரும்புள்ளியாக உள்ள ஓ. பன்னீர்செல்வம் இரட்டை இலை பற்றியும் ஜெயலலிதா, எம்ஜிஆரைப் பற்றி பேச எந்த தகுதியும் இல்லை எஎன்றும் சி.வி.சண்முகம் ஆவேசத்துடன் பேசினார்.

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.

Leave a Comment