மீண்டும் திரைக்கு வருகிறது சிம்புவின் சர்ச்சை திரைப்படம்...

நடிகர் சிம்பு தற்போது தமிழ் சினிமாவின் முன்னணி நடிகர்களில் ஒருவர், இவருக்கு தமிழகம் முழுவதிலும் அதிகப்படியான ரசிகர்கள் காணப்படுகின்றனர்.

மேலும் நீண்ட நாட்களாக இவரின் திரைப்படங்கள் வெளியாகாமல் இருந்த நிலையில் தற்போது இவர் மீண்டும் தனது திரைப்படங்களில் தொடர்ந்து பிஸியாக நடித்து வருகிறார்.

அந்த வகையில் இவர் தற்போது வெங்கட் பிரபுவின் மாநாடு திரைப்படத்தில் நடித்து வருகிறார். அதனை தொடர்ந்து இவர் பத்து தல, நதிகளிலே நீராடும் சூரியன் என இரண்டு திரைப்படங்களில் நடிக்கவுள்ளார்.

இந்நிலையில் கடந்த 2004-ல் இவர் நடித்து இயக்கிய மன்மதன் திரைப்படம் மிகவும் சர்ச்சையாக பேசப்பட்டாலும், அப்போது பிளாக் பஸ்டர் ஹிட்டானது. மேலும் தற்போது முன்னணி நடிகர்களின் திரைப்படங்கள் மீண்டும் வெளியாகி வரும் நிலையில், சிம்புவின் மன்மதன் திரைப்படம் வரும் மார்ச் 19 ஆம் தேதி மீண்டும் திரையரங்கில் வெளியாகும் என அறிவிக்கப்பட்டுள்ளது.