பரங்கிக்காய் அல்வா செய்வது எப்படி?

தீபாவளி ஸ்பெஷலாக வீட்டிலேயே சிறப்பான பரங்கிக்காய் வெல்ல அல்வா செய்முறையை இங்கு பார்க்கலாம்.

தேவையானவை:

பரங்கிக்காய் துருவல் – 2 கப்
வெல்லம் பொடித்தது – 3/4 கப்
பால் – 3/4 கப்
நெய் – 3 முதல் 4 டீஸ்பூன் வரை
முந்திரி பருப்பு – சிறிது
பரங்கி விதை – சிறிது (விருப்பப்பட்டால்)
காய்ந்த திராட்சை – ஒரு கைப்பிடி அளவு
ஏலக்காய் தூள் – 1/4 டீஸ்பூன்

halvaaa

செய்முறை:

ஒரு பெரிய அளவு பரங்கிக்காய் துண்டை எடுத்து, தோல் மற்றும் விதைகளை நீக்கி விட்டு, சன்னமாகத் துருவிக் கொள்ளவும். 2 கப் அளவிற்கு துருவலை எடுத்துக் கொள்ளவும். ஒரு வாணலியில் ஒரு டீஸ்பூன் நெய் விட்டு அதில் முந்திரி, திராட்சை சேர்த்து வறுத்தெடுத்து, தனியாக வைக்கவும். பின்பு அதே வாணலியில் மேலும் ஒரு டீஸ்பூன் நெய் சேர்த்து அதில் பரங்கிக்காய் துருவலைப் போட்டு வதக்கவும்.

அடுப்பை குறைந்த மிதமான தீயில் வைத்து 5 முதல் 10 நிமிடங்கள் வரை வதக்கிய பின் பாலைச் சேர்த்துக் கிளறவும்.

மூடி போட்டு வேக விடவும். பால் அனைத்தையும் இழுத்துக் கொண்டு காய் வெந்ததும், வெல்லத்தூளைப் போட்டு கிளறவும். வெல்லம் நன்றாகக் கலந்து, அல்வா கெட்டியானவுடன் (10 முதல் 15 நிமிடங்கள் ஆகும்) மீதமுள்ள நெய்யை விட்டு கிளறவும். கடைசியில் ஏலக்காய் தூள், வறுத்த முந்திரி, திராட்சை ஆகியவற்றைச் சேர்த்துக் கிளறி, நெய் தடவிய ஒரு கிண்ணத்தில் மாற்றி வைக்கவும்.

பரங்கி விதையை தூவி பரிமாறவும்.

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.

Leave a Comment