சென்னையில் மீண்டும் கொட்டப்போகுது மழை: வானிலை எச்சரிக்கை

கடந்த வாரம் சென்னையில் தொடர்ச்சியாக கனமழை பெய்தது என்பதும் இதனால் சென்னையில் வெள்ளப்பெருக்கு ஏற்பட்டது என்பதையும் பார்த்தோம்.

இந்த நிலையில் சென்னையில் அடுத்த இரண்டு நாட்களுக்கு மீண்டும் கனமழை கொட்டப்போகிறது என்றும் குறிப்பாக இன்று சென்னையில் கனமழை பெய்யும் என்றும் சென்னை வானிலை ஆய்வு மையம் எச்சரிக்கை விடுத்துள்ளது.

சென்னை மட்டுமின்றி திண்டுக்கல், திருப்பூர், ஈரோடு, நீலகிரி, கோவை, தேனி, சேலம், தர்மபுரி, நாமக்கல், கள்ளக்குறிச்சி ஆகிய 10 மாவட்டங்களிலும் இடி மின்னலுடன் கூடிய கனமழை பெய்யும் என்றும் சென்னை வானிலை ஆய்வு மையம் தெரிவித்துள்ளது.

மேலும் அரபிக் கடலில் புதிய காற்றழுத்த தாழ்வு காரணமாக தமிழ்நாடு மற்றும் கேரளா ஆகிய பகுதிகளில் அடுத்த சில நாட்களுக்கு கனமழை பெய்யும் என்றும் அதுமட்டுமின்றி 60 கிலோ மீட்டர் வரை காற்று வீசும் என்பதால் மீனவர்கள் மீன்பிடிக்க கடலுக்கு செல்ல வேண்டாம் என்றும் அறிவுறுத்தப்பட்டுள்ளது.

நாளை மற்றும் நாளை மறுநாள் ராணிப்பேட்டை, வேலூர், விழுப்புரம், திருவண்ணாமலை, கள்ளக்குறிச்சி, கடலூர், திருவள்ளூர், சென்னை, காஞ்சீபுரம், செங்கல்பட்டு, ஆகிய மாவட்டங்களில் மழை பெய்யும் என்றும் அடுத்த இரண்டு நாட்களுக்கு தமிழகம் முழுவதும் பரவலாக மழை பெய்யும் என்றும் சென்னை வானிலை ஆய்வு மையம் தெரிவித்துள்ளது.

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.

Leave a Comment