சிபிஎஸ்இ +2 தேர்வு முடிவுகள் சிபிஎஸ்இ இணையதளத்தில் வெளியிடப்பட்டுள்ளன.
கடந்த ஏப்ரல் மாதம் நாடு முழுவதும் சிபிஎஸ்இ +2 தேர்வுகள் நடைப்பெற்றது. இந்த தேர்வு முடிவுக்காக மாணவர்கள் கடந்த இரண்டு மாதங்களாக காத்திருந்தனர். இந்நிலையில் இந்த தேர்வு முடிவுகள் இன்று இணையதளத்தில் வெளியிடப்பட்டுள்ளது.
இந்த தேர்வில் நாடு முழுவதும் 92.71% மாணவ, மாணவியர்கள் தேர்வு பெற்றுள்ளனர்.
இந்த தேர்வில் திருவனந்தபுரம் மண்டலம் 98.83% தேர்ச்சியுடன் முதலிடம் பிடித்துள்ளது. பெங்களூரு மண்டலம் 98.16% தேர்ச்சியுடன் இராண்டமிடம் பிடித்துள்ளது. சென்னை மண்டலம் 97.79% தேர்ச்சியுடன் மூன்றாமிடம் பிடித்துள்ளது.
தேர்வு முடிவுகளை மாணவர்கள் cbseresults.nic.in மற்றும் results.cbse.nic.in ஆகிய இணையதளங்களில் பார்த்து தெரிந்துக் கொள்ளலாம்.
மாணவர்கள் தங்கள் பதிவு எண், பிறந்த தேதி மற்றும் பள்ளிக் குறியீட்டினைக் கொண்டு தேர்வு முடிவுகளை அறிந்துக் கொள்ளலாம்.
