திமுகவினருக்கு கொலை மிரட்டல்; அதிமுக ஒன்றிய செயலாளர் உட்பட 10 பேர் மீது வழக்குப்பதிவு!

ஆண்டிபட்டி ஊராட்சி ஒன்றிய அலுவலகத்தில் டெண்டர் விடும் நிகழ்வின்போது திமுகவினருக்கு கொலைமிரட்டல் விடும் வகையில் பேசியதால் அதிமுக ஒன்றிய செயலாளர் உட்பட 10 பேர் மீது போலீசார் வழக்கு பதிவு செய்துள்ளனர்.

தேனி மாவட்டம் ஆண்டிபட்டி ஊராட்சி ஒன்றிய அலுவலகத்தில் கடந்த 9 ஆம் தேதி அண்ணா மறுமலர்ச்சி திட்டத்தில் கீழ் மேற்கொள்ளக்கூடிய வளர்ச்சி திட்ட பணிகள் 46 பணிகளுக்கு டெண்டர் விடும் நிகழ்வு நடைபெற்றது. அப்போது டெண்டரை விதிமுறைகளை பின்பற்றி முறையாக நடத்த வேண்டும் என திமுகவினர் தரப்பில் கோரப்பட்டுள்ளது.

இதனையடுத்து டெண்டர் எடுக்கும் போட்டியில் திமுகவினருக்கும் அதிமுகவினருக்கும் வாக்குவாதம் மற்றும் தள்ளுமுள்ளு ஏற்பட்டுள்ளது. அப்போது அதிமுகவை சேர்ந்தவர்கள் திமுக நிர்வாகிகளையும், ஒப்பந்ததாரர்களையும், தகாத வார்த்தையில் பேசி கொலைமிரட்டல் விடுத்ததாக கூறப்படுகிறது.

இதுகுறித்து திமுக ஆண்டிபட்டி கிழக்கு ஒன்றிய செயலாளர் ராசாராம் கடந்த 12 ஆம் தேதி புகாரின் அடிப்படையில், விசாரணை மேற்கொண்டு வந்த ஆண்டிபட்டி போலீசார் அதிமுக கிழக்கு ஒன்றிய செயலாளர் வரதராஜன் அவருடைய சகோதரர் ஜெயராமன் திருமலாபுரம் கிராமத்தைச் சேர்ந்த கணேசன் உள்ளிட்ட 10 பேர்கள் மீது வழக்கு பதிவு செய்துள்ளனர். யாரும் கைது செய்யப்படவில்லை. இச்சம்பவம் ஆண்டிபட்டியில் பரபரப்பை ஏற்படுத்தி உள்ளது .

Follow @ Google: புத்தம் புதிய மற்றும் சுவரசியமான செய்திகளை உடனுக்குடன் பெற கூகுள் நியூஸில் பின் தொடருங்கள்.

Leave a Comment